Hesekiel 44:11 - AHYERƐLƐ KRONGRON

¹¹ Nakoso bɛkɔyɛ me nekaa krongron berɛ asomvoɛ bɛkɔyɛ awuro berɛ anoa piri nemɔ aso awɛmvoɛ, na bɛkɔyɔ awuro berɛ ɛsɔnenɛ adwuma. Maen naen yeralɛ afɔleɛ kaka ne, ɔne afɔleɛ kaka ne, bɛ yeɛ bekohu ye ɔ, na bɛ yeɛ bekogyina mmenia ne anyunu bɛkɔso bɛ ɔ.

Hesekiel 44:11 Iomraidhean Croise

2 Aberɛso Dwirɛ 29:34

Nakoso ɔnate kyɛ asɔfo nemɔ banzo ne ati, né bɛngora naen yeralɛ afɔleɛ ngaka nemɔ bia. Ɔnate sɔ ne ati, kɔpem kyɛ asɔfo nemɔ ngaa ne bɛpetene bɛ nwo ne, b’eliɛma Lewifoɛ nemɔ ne, bɛbokale kɔpem kyɛ beyiele adwuma ne ɔ. Ofikyɛ né Lewifoɛ nemɔ bɛ nwo te tra asɔfo nemɔ.

2 Aberɛso Dwirɛ 30:17

Ofikyɛ né badwa ne anu mmenia pee bennya bɛppetene bɛ nwo. Yiti né odi kyɛ Lewifoɛ nemɔ beku Abɔtra boaen ne bɛma ebiala bɔ ye nwo ɔnde ɔ, amaa ɔnate so bayɛ krongron bama AWURADE.

Hesekiel 40:45

Na osele me kyɛ, Sɔ pumbu he bɔ ye nye kyire ngwaen ne, asɔfo mɔ bɔ bɛnea awuro ne aso ne yeɛ ɔte bɛ deɛ ɔ;

Hesekiel 44:14

Nakoso ngɔfa awuro ne anu adwuma ne ngowura bɛ sa, nu ɛsolɛ biala ne adwuma biala bɔ odi kyɛ bɛyɔ ye wɔ nu ɔ.

Hesekiel 46:24

Yeɛ osele me kyɛ, “Ɛhemɔ ole gyaale mɔ, nekaa bɔ awuro ne anu somvoɛ mɔ bɛkɔto mmenia nemɔ b’afɔleɛ bɔ bahu ye ne.”

Numeri 16:9

Aso ɔte nikyee ba ma ɛmɔ, kyɛ Yisrael Nyameɛ waneanea Yisraelfoɛ nu waye ɛmɔ, ná wama ɛmɔ ate kyɛ ɛmɔbra ye nyunu bɛɛyɔ AWURADE nyianu sua ne anu adwuma, ná ɛmɔgyina maen ne anyunu bɛso bɛ ɔ?

Numeri 18:2

Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 18:6

Me yeɛ maneanea Yisraelfoɛ nu maye ɛmɔ aliɛma mɔ Lewifoɛ ɔ. Bɛte akyɛdeɛ bɛma ɛmɔ, bɔ me AWURADE matu bɛ masie berɛ mama me nwo, kyɛ bɛyɔ ɛtena sua atenaleɛ ne anu adwuma ɔ.

Numeri 4:1

Na AWURADE sele Mose ne Aarɔn kyɛ,

Numeri 8:26

Bɛkɔhora bɛkɔbokaboka b’eliɛma mɔ maa bɛkɔyɔ b’adwuma wɔ ɛtena sua atenaleɛ ne anu, nakoso onni kyɛ bɛyɔ ɛsɔnenɛ adwuma ne bie. Sɔ yeɛ odi kyɛ ɛfa Lewifoɛ nemɔ adwuma wura bɛ sa ɔ.