Hesekiel 44:10 - AHYERƐLƐ KRONGRON

¹⁰ Na Lewifoɛ bɔ bɛhwene bɛ nwo befili me nwo bɛhɔle dedeede, wɔ mmerɛ bɔ Yisrael lili makyebu beelili bɛ mmosoen mɔ si ne, bɛ sa kɔhã b’amumuyɛɛ nwo asohwenɛ.

Hesekiel 44:10 Iomraidhean Croise

Gyenesise 4:13

Na Kein sele AWURADE kyɛ, “M’asohwenɛ ne ɔbo me so.

Nehemia 9:34

Yɛ ahemvo mɔ, yɛ mbanyi mɔ, y’asɔfo mɔ ne yɛ nana mɔ banni wɔ mmeraa ne aso, yeɛ wɔ mmeraa dwirɛ ne wɔ dwirɛ bɔ ɛfa mane bɛ ne, banni so.

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Anyandera 11:31

Sɛ bɛbɔ teneneeniɛ aba so wɔ aseɛ ye aso a, ye de ɔkɔyɛ sɛɛ bɔ amumuyɛɛniɛ ne bɔnefoɛ bengotua bɛ so kerɛ ɔ!

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yeremia 23:11

Ofikyɛ ngɔmhyɛlɛniɛ ne ɔsɔfo bɛ munyɔ benzuro Nyameɛ; amba, m’awuro po manwu bɛ bɔne wɔ berɛ, AWURADE noa dwirɛ ɛne.

Hesekiel 14:11

amaa ɔnate so Yisrael awuro ama banni makyebu ko banyakyi me si lilɛ, yeɛ bɛngɔfa bɛ mmeraatolɛ amukoraa bengogua bɛ nwo fiɛ ko; na mmom bɛkɔyɛ me maen maa me koso ngɔyɛ bɛ Nyameɛ, AWURADE Nyameɛ noa dwirɛ ɛne.”

Hesekiel 22:26

Ye asɔfo mɔ babu me mmeraa so, bagua me nningyein krongron nemɔ anwo fiɛ; bɛmma nzonzoleɛ nna nningyein bɔ bɛte krongron ɔne bɔ bɛtte krongron ɔ b’afia; yeɛ bengyire nzonzoleɛ bɔ ɔla nikyee bɔ ye nwo te ɔ ɔne bɔ ye nwo nde ɔ b’afia, bɛmva m’afofingyẽa nemɔ bɛnyɛ huu, na bagua me nwo fiɛ wɔ bɛ nu.

Hesekiel 44:12

Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Hesekiel 48:11

Sɔ aseɛ ne kɔyɛ asɔfo mɔ bɔ basie bɛ nwo krongron ne bɛ deɛ, bɔ bɛ ole Sadoke boso ama nemɔ, bɔ bali me dwirɛ nwo nahorɛ, bɔ banni ye nwo makyebu wɔ mmerɛ bɔ Yisraelfoɛ belili ye nwo makyebu, kyɛbɔ Lewifoɛ belili ye nwo makyebu ne.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Lewitikɔso 19:8

Ebiala bɔ okoli bie ne, ye musue kɔbɔ ye ti so, ofikyɛ wafa efiɛ waha bɔ ɔte krongron ma AWURADE; na sɔ sona ne odi kyɛ bɛpɛ ye asue befi maen ne anu.

Sefania 3:4

Ye ngɔmhyɛlɛfoɛ bɛte anwohoahoafoɛ, nnakannaka mmenia, ye asɔfo mɔ begua nekaa krongron berɛ nwo fiɛ, na bɛmva mmeraa ne bɛnyɛ huu.

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Numeri 18:23

Nakoso odi kyɛ Lewifoɛ yeɛ bɛyɔ ɛtena sua atenaleɛ nu berɛ adwuma ne ɔ, na bɛ bɔbɔ bɛ mvomsoɛ nwo musue kɔbɔ bɛ ti so. Ɔkɔyɛ daa ahyɛdeɛ wɔ ɛmɔ aworɛ ndoatoasoɛ mukoraati nu. Nakoso bengonya agyapadeɛ biala wɔ Yisraelfoɛ nu,

Numeri 5:31

Bienzua ne ngoli amumuyɛɛ biala nwo fɔ, nakoso brasua ne de, ye amumuyɛɛ kɔbɔ ye ti so.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!