Hesekiel 44:1 - AHYERƐLƐ KRONGRON

¹ Afei ɔfale me sale nziɛ wale nekaa krongron berɛ dwaaso anoa piri bɔ ye nye kyire eyia afiteleɛ ne anwo, na né bato nu.

Hesekiel 44:1 Iomraidhean Croise

1 Aberɛso Dwirɛ 9:18

Daa ne, né bɛwɛne nana pambim bɔ ɔwɔ eyia afiteleɛ so ne. Na Lewifoɛ b’asikyeleɛ nemɔ, bɛ yeɛ né bɛwɛne ye pambim nemɔ ɔ.

2 Aberɛso Dwirɛ 20:5

Yehosafate gyinane Yudafoɛ ne Yerusalemfoɛ bɔ babɔ dwaa wɔ AWURADE awuro berɛ ne bɛ nyunu, wɔ aluo foforɛ ne anyunu berɛ.

2 Aberɛso Dwirɛ 33:5

Aluo nyɔ bɔ bɛwɔ AWURADE awuro berɛ ne, osisili afɔleɛ mmokyea mane nyameɛso abɔdeɛ ahoroɔ amukoraati wɔ berɛ.

2 Aberɛso Dwirɛ 4:9

Osili aluo berɛ ne mane asɔfo nemɔ, yeɛ osa sili aluo berɛ kandinga ne.’ Ɔyɔle aluo berɛ anoa nemɔ fale kɔɔbere borole bɛ nwo.

Hesekiel 40:17

Afei ɔfale me hɔle aluo berɛ pato nu berɛ, na yieee, né pumbu mɔ ne atee wɔ berɛ bɔ bapɛ aluo berɛ nwo bayia ɔ; né pumbu aburasa yeɛ bɛwɔ atee ne anoa ɔ.

Hesekiel 40:6

Na afei ɔwale ɛpoen bɔ ye nye nea eyia afiteleɛ ne anwo, ɔfole ye atweleɛ ndiasoɛ ne aso, osusuli anoa n’aponnwaa ne, na né ye tɛtrɛtɛɛ te elemmire ne ko, yeɛ ye tɛtrɛtɛɛ ko ne koso te elemmire ne ko.

Hesekiel 42:14

Sɛ asɔfo nemɔ bɛbaawura nekaa krongron ne anu a, onni kyɛ befi berɛ bɛkɔ aluo berɛ pato ne anu dɔ, sana bepuro bɛ ndaadeɛ bɔ bɛfa bɛsɔne ne begua berɛ koraka, ofikyɛ ndaadeɛ nemɔ te krongron. Odi kyɛ bɛfa ndaadeɛ mbaen bie bewura, koraka né bapingye nekaa bɔ mmenia le atee kyɛ bɛkɔ ne.”

Hesekiel 43:1

Na ɛhe asi ne, ɔfale me wale anoa piri bɔ ye nye kyire eyia afiteleɛ so ne anu.

Hesekiel 43:4

Na AWURADE animnyam ne, ɔfale anoa piri bɔ ye nye kyire eyia afiteleɛ ne anu wale awuro berɛ.

Hesekiel 46:1

AWURADE Nyameɛ nwa nyoo: Ye kunu dɔ aluo berɛ anoa piri bɔ ye nye kyire eyia afiteleɛ so ne, odi kyɛ bɛto nu elesia bɔ bɛfa bɛyɔ adwuma ne; nakoso afofikyẽa ne de, odi kyɛ bebukye; yeɛ ɛsraen foforɛ kyẽa ne koso, odi kyɛ bebukye.

Hesekiel 46:12

Sɛ ɛhene ne ɔbaabɔ akyɛdeɛ afɔleɛ ma AWURADE a, kyɛ naen yeralɛ afɔleɛ oo, anaa asomdwee afɔleɛ oo, odi kyɛ bebukye anoa piri bɔ ye nye kyire eyia afiteleɛ ne bɛma ye, na odi kyɛ ɔbɔ ye naen yeralɛ afɔleɛ ɔne ye asomdwee afɔleɛ ne kyɛbɔ ɔyɔ ye afofikyẽa ne ala. Afei odi kyɛ ofite, na ofite yie a, odi kyɛ bɛto anoa piri ne anu.