Hesekiel 43:9 - AHYERƐLƐ KRONGRON

⁹ Na afei de, odi kyɛ bɛye bɛ gyanderabɔlɛ, ɔne bɛ hene mɔ bɛ fuin befi me nwo bɛkɔ dedeede, na ngɔtena bɛ nu afebɔɔ.

Hesekiel 43:9 Iomraidhean Croise

1 Ahemvo 8:13

Masi sua nyemene paa mama wɔ, nekaa bɔ ɛkɔtena afebɔɔ ɔ.”

Edwein 46:5

Nyameɛ wɔ kuro ne afia, yiti bɛngɔhora so ngonim di; Nyameɛ kofi ngyerɛmɔ tutuutu kɔboka ye ndɛndɛ.

Edwein 68:17

Nyameɛ ye teaseɛnam mɔ bɛte apee aburanyɔ sɔ alaa buburugyaa, AWURADE boka bɛ so, kyɛbɔ ɔboka bɛ so wɔ Sinai, nekaa krongron berɛ ne.

Ɛksadɔso 29:45

Ngɔtena Yisraelfoɛ nu, ná mayɛ bɛ Nyameɛ.

Hesekiel 37:23

Bɛngɔfa bɛ mmosoen ne b’akyiwadeɛ nningyein anaa bɛ mmeraatolɛ biala bengogua bɛ nwo fiɛ ko. Na mmom ngɔpepɛ ngole bɛ ngofi bɛ makyebu amukoraa bɔ bali bafa bayɛ bɔne ne anwo; ngɔte bɛ nwo, na bɛkɔyɛ me maen, ná me wora mayɛ bɛ Nyameɛ.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Hosea 2:2

Ɛ́mɔdwudwo behyire ɛmɔ ani, ɛ́mɔdwudwo behyire ye, ofikyɛ nna me ye ɔ, yeɛ ye koso nna ohu ole me. Odi kyɛ ɔye ye gyanderabɔlɛ ne fi ye nye so, na ɔye ye agyaasɛkyelɛ ne fi ye nyɔfone mɔ b’afia.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”