Hesekiel 43:8 - AHYERƐLƐ KRONGRON

⁸ Begyinane bɛ simbini bepingyele me simbini deɛ nwo, yeɛ begyinane b’aponnwaa bepingyele m’aponnwaa deɛ nwo, bɔ fasue mbaen yeɛ ɔwɔ me ne bɛ y’afia ɔ. Bafa b’akyiwadeɛ yɔleɛ ne bagua me dumaa krongron ne anwo fiɛ, maa ɔnate so mvɛle yaa ngukuni bɛ.

Hesekiel 43:8 Iomraidhean Croise

2 Aberɛso Dwirɛ 33:4

AWURADE awuro bɔ AWURADE hane ye nwo dwirɛ kyɛ, “Yerusalem yeɛ ngɔmaa bɛkɔsɔne me dumaa afebɔɔ” ne, Manase sisili mmosoen afɔleɛ mmokyea wɔ berɛ.

2 Aberɛso Dwirɛ 33:7

Amoen bɔ osele ne, ɔfa ɔɔpenane Nyameɛ awuro berɛ; awuro bɔ Nyameɛ hane ye nwo dwirɛ hyirele Dawide ne ɔwa Solomon kyɛ, “Sɔ awuro he, yeɛ Yerusalem bɔ maneanea Yisrael mmusua kure amukoraa nu matu masie berɛ ne, nu yeɛ ngɔmaa bɛkɔsɔne me dumaa afebɔɔ ɔ.

Ɛksadɔso 12:7

Awuro bɔ bekoli naen ne wɔ nu nen, ɔsɛ kyɛ bɛfa mogya ne bie bɛkeka aponnwaa nyɔ ne, ɔne sua ne ye bati so.

Hesekiel 23:39

Ofikyɛ behuhuni bɛ mma bɛbɔle afɔleɛ bɛmane bɛ mmosoen nemɔ nen, sɔ kyẽa ne ala yeɛ bɛwale me nekaa krongron ne anu beeguale ye nwo fiɛ ɔ. Tie, bɔ bayɔ ye wɔ m’awuro hɔ ɛne.

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Maenbulɛfoɛ 19:27

Aleɛ hyene ne, braa ne somaa ne dwɔsole, na obukyebukyele awuro berɛ anoa nemɔ. Na ofitele kyɛ ɔtoa ye ateetulɛ ne aso ne, onwuni kyɛ ye sómaa ne la awuro n’anoa nu berɛ, bɔ ye sa gua aponnwaa ne aso ɔ.