Hesekiel 43:4 - AHYERƐLƐ KRONGRON

⁴ Na AWURADE animnyam ne, ɔfale anoa piri bɔ ye nye kyire eyia afiteleɛ ne anu wale awuro berɛ.

Hesekiel 43:4 Iomraidhean Croise

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Ɛksadɔso 40:35

Na Mose angora anwura ɛtena sua atenaleɛ ne anu, ofikyɛ né munungum ne akata ɛtena sua ne aso, na AWURADE animnyam yili nyianu sua ne tɛkyɛ.

Yesaya 60:1

Dwɔso, ta hyireinn, ofikyɛ wɔ kanea ne wawa, yeɛ AWURADE animnyam ne apukye wɔ so.

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Hesekiel 11:23

Yeɛ AWURADE animnyam ne mane ye nwo so fili kuro ne anu, na oogyinane bokaa bɔ ɔwɔ kuro berɛ eyia afiteleɛ ne aso.

Hesekiel 3:12

Yeɛ Sunzum ne mane me so, na ndele komviɛ bie bɔ ɔma aseɛ woso ɔ wɔ me si dɔ kyɛ, “Asennaa te AWURADE animnyam ne deɛ wɔ ye atenaleɛ berɛ!”

Hesekiel 43:1

Na ɛhe asi ne, ɔfale me wale anoa piri bɔ ye nye kyire eyia afiteleɛ so ne anu.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Hesekiel 44:2

Na AWURADE sele me kyɛ, “Anoa piri he, nu ato; bengobukye, yeɛ sona biala ngɔfa nu ngɔwa nu, ofikyɛ AWURADE Yisrael Nyameɛ wafa nu wawa nu, yiti nu kɔhɔ so kɔto.

Hesekiel 44:4

Afei ɔfale me fale sorɔ dɔ anoa piri atee ne aso wale awuro ne anyunu berɛ, na nneane, na yieee, AWURADE animnyam ne yili AWURADE awuro berɛ tɛkyɛ, na mvale me nyunu mutuli berɛ.