Biblia Todo Logo
Bìoball air-loidhne

- Sanasan -




Hesekiel 43:2 - AHYERƐLƐ KRONGRON

2 Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Faic an caibideil Dèan lethbhreac




Hesekiel 43:2
24 Iomraidhean Croise  

Bɛ yaakɔ! Maen maen mɔ so mmenia pee bɔ bɛyɛ dede ɔ, bɔ bɛyɛ dede kyɛ ɛpo bɔ obu fa so ɔ! Aa, maen maen mɔ bɛteatea nu, bɛyɛ dede kyɛ asue piri bɔ ɔse wuruwuru ɔ!


Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”


Na bɛkɔ ne, ndele dede bɔ bɛ ndaa nemɔ yɔle ne, na né ɔte kyɛ asue mbiri bɔ bɛsẽ wuruwuru ɔ, kyɛ Tuminiɛ ne bɔ ɔbɔ nu kurudududu ɔ, kyɛ koɛhonɛfoɛ bɔ bɛbɔ ese ɔ. Na sɛ begyina a, né bahã bɛ ndaa ne ase.


Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.


Yeɛ AWURADE animnyam ne mane ye nwo so fili kɛrubim nemɔ aso hɔle awuro ne anoa nu dɔ, munungum ne yili awuro berɛ tɛkyɛ, na AWURADE animnyam ne yili aluo berɛ tɛkyɛ mane berɛ tale hyireinn.


Afei kɛrubim nemɔ momane bɛ ndaa so; né kango nemɔ wɔ bɛ ngyɛnu, na né Yisrael Nyameɛ animnyam ne ɔwɔ bɛ so anwuro.


Yeɛ AWURADE animnyam ne mane ye nwo so fili kuro ne anu, na oogyinane bokaa bɔ ɔwɔ kuro berɛ eyia afiteleɛ ne aso.


Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.


Na AWURADE animnyam ne, ɔfale anoa piri bɔ ye nye kyire eyia afiteleɛ ne anu wale awuro berɛ.


Na AWURADE sele me kyɛ, “Anoa piri he, nu ato; bengobukye, yeɛ sona biala ngɔfa nu ngɔwa nu, ofikyɛ AWURADE Yisrael Nyameɛ wafa nu wawa nu, yiti nu kɔhɔ so kɔto.


Na Yisrael Nyameɛ animnyam ne fili kɛrubim bɔ ɔwɔ so ne aso wale asɔneyɛɛ sua anoa ne anyunu berɛ, na ɔfrɛle biaa bɔ ɔhera nwera, bɔ wafa nikyee bɔ bɛfa bɛkyerɛ ɔ wasĩ ne.


Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.


Nyameɛ fi Teman wale, amba, Krongronniɛ ne fi bokaa Paran so wale. Sela Ye animnyam katale nyameɛso, yeɛ ye nwo ayɛyelɛ yili aseɛ so tɛkyɛ.


Ye nwo hyireinn ne te kyɛ agralaa; né mmɛen nyɔ fi ye sa nu, ná nu yeɛ né ye tumi ne ɔfea ɔ.


Yesaya hane sɔ, ofikyɛ onwuni ye animnyam, na ɔhane ye nwo dwirɛ.


ye gya nwo te kyɛ ayaa bɔ bahwi ye nwo nyemenenyemene ɔ, kyɛ bɔ bafa see bapɔ ye nwo ɔ, na ye komvi te kyɛ asue pee bɔ bɛsẽ wuruwuru ɔ.


Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.


Na ɛhemɔ asi ne, nwuni abɔfo foforɛ kyɛ ofi nyameɛso odwu ba ɔ. Né ole tumi piri, na ye animnyam tale aseɛ so.


Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;


Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.


Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.


Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.


Lean sinn:

Sanasan


Sanasan