Hesekiel 43:12 - AHYERƐLƐ KRONGRON

¹² Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Hesekiel 43:12 Iomraidhean Croise

Edwein 93:5

Wɔ noa dwirɛ te nahorɛ turoloo; ao AWURADE, krongronyɛlɛ fata w’awuro afebɔɔ.

Hesekiel 20:40

“Ofikyɛ me bokaa krongron ne aso, Yisrael bokaa tendenn ne aso, berɛ yeɛ Yisrael awuro ama amukoraa, bɛ mukoraa bɔ bɛwɔ aseɛ ne aso ɔ bɛkɔso me ɔ. AWURADE Nyameɛ noa dwirɛ ɛne. Berɛ yeɛ ngole bɛ ngɔto nu ɔ, na berɛ yeɛ ngɔnea ate kyɛ ɛmɔkɔfa ɛmɔ ndoboa, ɛmɔ fieso aleɛ bɔ ɛmɔkoli moa bɛkɔfa ɔ, ɔne ɛmɔ afɔleɛ krongron bɛkɔbrɛ me ɔ.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hesekiel 42:20

Osusuli ye bue nna ne. Né fasue wɔ ye nwo bra yia bɔ ye tendenn nu te agyirɛ ɛyaa nnu, ye tɛtrɛtɛɛ nu te agyirɛ ɛyaa nnu, kyɛ ɔfa yɛ nekaa krongron berɛ ɔne nekaa mbaen ne b’afia mbɛmuɛ.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Mika 4:1

Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.