Hesekiel 43:1 - AHYERƐLƐ KRONGRON

¹ Na ɛhe asi ne, ɔfale me wale anoa piri bɔ ye nye kyire eyia afiteleɛ so ne anu.

Hesekiel 43:1 Iomraidhean Croise

Hesekiel 10:19

Yeɛ kɛrubim nemɔ momane bɛ ndaa so, na bɛpagyale bɛ nwo so befili aseɛ so bɛhɔle bɔ me nye tua ɔ. Na bɛkɔ ne, né kango nemɔ wɔ bɛ ngyɛnu, na beegyinane AWURADE awuro berɛ eyia afiteleɛ pambim ne anoa nu; na né Yisrael Nyameɛ animnyam ne ɔwɔ bɛ so anwuro.

Hesekiel 40:6

Na afei ɔwale ɛpoen bɔ ye nye nea eyia afiteleɛ ne anwo, ɔfole ye atweleɛ ndiasoɛ ne aso, osusuli anoa n’aponnwaa ne, na né ye tɛtrɛtɛɛ te elemmire ne ko, yeɛ ye tɛtrɛtɛɛ ko ne koso te elemmire ne ko.

Hesekiel 42:15

Na osusuli sua ne akunu dɔ yiele nen, ɔfale me fitele fale anoa piri bɔ ye nye kyire eyia afiteleɛ ne anu, na osusuli sua ne nwo bra yiale.

Hesekiel 43:4

Na AWURADE animnyam ne, ɔfale anoa piri bɔ ye nye kyire eyia afiteleɛ ne anu wale awuro berɛ.

Hesekiel 44:1

Afei ɔfale me sale nziɛ wale nekaa krongron berɛ dwaaso anoa piri bɔ ye nye kyire eyia afiteleɛ ne anwo, na né bato nu.

Hesekiel 44:2

Na AWURADE sele me kyɛ, “Anoa piri he, nu ato; bengobukye, yeɛ sona biala ngɔfa nu ngɔwa nu, ofikyɛ AWURADE Yisrael Nyameɛ wafa nu wawa nu, yiti nu kɔhɔ so kɔto.

Hesekiel 46:1

AWURADE Nyameɛ nwa nyoo: Ye kunu dɔ aluo berɛ anoa piri bɔ ye nye kyire eyia afiteleɛ so ne, odi kyɛ bɛto nu elesia bɔ bɛfa bɛyɔ adwuma ne; nakoso afofikyẽa ne de, odi kyɛ bebukye; yeɛ ɛsraen foforɛ kyẽa ne koso, odi kyɛ bebukye.