Hesekiel 42:5 - AHYERƐLƐ KRONGRON

⁵ Né anwuro pumbu nemɔ bɛte bɔtɔfee, ofikyɛ abrannaa nemɔ bafa bɛ bue, na bɛ bue bɔ bafa ne, ɔte piri tra bɔ bafa bafi aseɛnwo ne afia pumbu nemɔ nu ɔ.

Hesekiel 42:5 Iomraidhean Croise

Hesekiel 41:15

Afei osusuli sua ne tendenn nu bɔ ye nye kyire aluo berɛ wɔ eyia atɔleɛ, ɔne ye abrannaa nemɔ wɔ ye bue ko biala, na ɔte agyirɛ ɛyaa ko. Sua ne akunu dɔ ne aluo berɛ abrannaa ne;

Hesekiel 41:7

Ye ngyɛnu pumbu nemɔ, efi aseɛnwo bɔ ɛkɔ ye anwuro ne, né nu ɔ́yɛ ɔbaye. Na pumbu mɔ bɔ bapɛ sua ne anwo bayia ne, ɔtaataa so kɔ anwuro, bɔ ye sɔ ati efi aseɛnwo bɔ ɛkɔ ye anwuro ne, nu baye ɔ. Né atweleɛ wɔ berɛ bɔ ofi aseɛnwo pumbu ne anu ɔfa afia deɛ ne anu ɔkɔ anwuro deɛ ne anu ɔ.

Hesekiel 42:3

Ye kunu dɔ bɔ ɔte agyirɛ aburanyɔ, bɔ ɔwɔ aluo berɛ pato ne ndendeneɛ so ne, abrannaa nye nea abrannaa nza ne nyunu.

Hesekiel 42:6

Ofikyɛ ɔte aborɔsaen bɔ ɔtoa so nza ɔ, nakoso bɛ de, belle mbuna kyɛbɔ aluo berɛ de ole bie ne; yiti bɛte bɔtɔfee bɛtra aseɛnwo ne afia deɛ nemɔ.