Hesekiel 41:2 - AHYERƐLƐ KRONGRON

² Ye anoanu berɛ, ye tɛtrɛtɛɛ nu te agyirɛ buru; na anoanu berɛ ye ngyɛnu ne, bue ko te agyirɛ nnu, yeɛ bue ko koso te agyirɛ nnu. Osusuli ye tendenn nu nen, né ɔte agyirɛ aburanna, yeɛ ye tɛtrɛtɛɛ nu te agyirɛ aburanyɔ.

Hesekiel 41:2 Iomraidhean Croise

1 Ahemvo 6:17

Sua ne akunu dɔ, nekaa bɔ efite so koraka né ahɔ krongron nu krongron ne anu ne, ye tendenn nu te agyirɛ aburanna.

1 Ahemvo 6:2

Sua bɔ Nana Solomon si mane AWURADE ne, ye tendenn nu te agyirɛ aburasia, ye tɛtrɛtɛɛ nu te agyirɛ aburanyɔ, yeɛ ye aseɛnwo bɔ ɔkwaadwu ye anwuro ne, ɔte agyirɛ aburasa.

2 Aberɛso Dwirɛ 29:7

Afei koso batoto abrannaa nu berɛ anoa nemɔ anu, banuanua nganea nemɔ, na banyera ɛyɛɛ, yeɛ bammɔ naen yeralɛ afɔleɛ wɔ nekaa krongron berɛ bamma Yisrael Nyameɛ.

2 Aberɛso Dwirɛ 3:3

Nyameɛ awuro bɔ Solomon sili ne, sɛ esusu a sɔa yeɛ ɔte ɔ: ye tendenn nu te agyirɛ aburasia, kyɛbɔ daa ne né besi besusu nikyee ɔ. Ye tɛtrɛtɛɛ nu te agyirɛ aburanyɔ.

2 Aberɛso Dwirɛ 3:7

Awuro ne, ye mbuna, ye aponnwaa, ye terɛ ne ye anoa nemɔ, ɔfale esikaa kɔkorɛ borole bɛ nwo, na olili kɛrubim adwii guale terɛ nemɔ anwo.

Ɛksadɔso 26:36

“Fa bibire, koogyan, adaabene ne gyese nwo ɛtena bɔ bɛkɔfa bekonwi ɛtena sua ne anoa nu berɛ ɔ, ɛtena bɔ bali adwii bagua nu ɔ.

Ɛksadɔso 36:37

Osa fale bibire, koogyan, adaabene ne gyese nwone ɛtena bɔ bɛkɔfa konwi ɛtena sua ne anoa nu berɛ ɔ: bɛen bɔ bali adwii bagua nu ɔ,

Hesekiel 47:1

Afei osa fale me wale awuro berɛ anoa ne anu, na yieee, né nzue opu fi awuro berɛ aponnwaa ne abo ɔsẽ kɔ eyia afiteleɛ so dɔ (ofikyɛ né awuro ne nye kyire eyia afiteleɛ). Né nzue ne ɔtengyɛ bagua ase fi awuro ne famaa so, wɔ afɔleɛ bokyea ne ngwaen.

Yohane 10:7

Yeɛ Yesu sele bɛ bieku kyɛ, “Nahorɛ nu paa, mekã mekyire ɛmɔ kyɛ, me ole mmoaen nemɔ b’anoa ne.

Yohane 10:9

Me ole anoa ne; na sɛ ebie fa me so kɔ nu a, bekole ye ngoa; na okoli nu akɔneaba, na okonya nekaa bɔ okodidi ɔ.