Hesekiel 40:2 - AHYERƐLƐ KRONGRON

² Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hesekiel 40:2 Iomraidhean Croise

1 Aberɛso Dwirɛ 28:12

Kyɛbɔ odi kyɛ besi ɛhemɔ amukoraa ne, Dawide fale ye nwo ngrataa mane Solomon: AWURADE awuro aluo berɛ, pumbu amukoraa bɔ bapɛ aluo berɛ nwo bayia ne, nekaa bɔ bɛfa Nyameɛ awuro nningyein besie ne, ɔne nekaa bɔ bɛfa nningyein bɔ batu basie berɛ bama Nyameɛ besie ne.

1 Aberɛso Dwirɛ 28:19

Na Dawide sele Solomon kyɛ, “Krataa bɔ okyire kyɛbɔ besi sua ne amukoraa, bahyerɛ, na AWURADE yeɛ ɔfa mane me ɔ.”

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Yesaya 14:13

Ɛhane ye wɔ wɔ ti anu kyɛ, ‘Ngɔfo ngɔhɔ nyameɛso, ngɔfa m’ahennie bia ngoosie anwuro anwuro maa ɔkɔtra Nyameɛ nzramaa mɔ. Bokaa ne aso nyianu ne, ngɔɔtena nu wɔ sorɔ dɔ paa aseɛ ne aso.

Yesaya 48:2

Ofikyɛ bɛfrɛ bɛ nwo kyɛ bɛte kuro krongron ne anu ama, bɔ bɛfa bɛ nwo bɛto Yisrael Nyameɛ so ɔ; ye dumaa ole Asafo AWURADE.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 20:40

“Ofikyɛ me bokaa krongron ne aso, Yisrael bokaa tendenn ne aso, berɛ yeɛ Yisrael awuro ama amukoraa, bɛ mukoraa bɔ bɛwɔ aseɛ ne aso ɔ bɛkɔso me ɔ. AWURADE Nyameɛ noa dwirɛ ɛne. Berɛ yeɛ ngole bɛ ngɔto nu ɔ, na berɛ yeɛ ngɔnea ate kyɛ ɛmɔkɔfa ɛmɔ ndoboa, ɛmɔ fieso aleɛ bɔ ɛmɔkoli moa bɛkɔfa ɔ, ɔne ɛmɔ afɔleɛ krongron bɛkɔbrɛ me ɔ.

Hesekiel 37:22

Ngɔyɛ bɛ maen ko wɔ aseɛ ne aso, wɔ Yisrael mmokaa nemɔ aso. Ɛhene ko yeɛ okoli bɛ mukoraa bɛ so ɔ, bɛngɔyɛ maen nyɔ ko, na bɛ nu ngɔhyɛ ngɔyɛ ahennie nyɔ ko.

Hesekiel 41:1

Afei ɔfale me hɔle asɔneyɛɛ sua ne anu, na osusuli mbuna nemɔ; ye tɛtrɛtɛɛ nu, ye bue ko te agyirɛ nzia, yeɛ ye bue ko wora ɔte agyirɛ nzia, bɔ ye tɛtrɛtɛɛ ne ɛtena sua ne bɛte pɛ ɔ.

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Daniel 7:1

Babilɔn hene Bɛlsasa ahennie afoɛ bɔ oli moa ne anu, Daniel hyene laleɛ, na onyane nyekyire wɔ mmerɛ bɔ né ɔla ye bɛen so ɔ. Na afei ɔhyerɛle laleɛ ne, na ɔbɔle nu dwirɛ ne porɛ.

Daniel 7:7

Na ɛhe asi ne, nwuni kaka bɔ ɔtɔ so nna ɔ wɔ kɔngɔen laleɛ ne anu. Ye nwo yɛ suro, nwanwa, na ye nwo yɛ se paa. Né ole buralɛ agyee mbiri mbiri; oku na ɔtete nu pasapasa, na otiatia ye ngaa ne aso. Nzonzoleɛ wɔ ye ne ngaka mukoraa bɔ belili ye nyunu ne anu, na né ye mmɛen te buru.

Mika 4:1

Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Asomafoɛ 16:9

Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!”

Asomafoɛ 2:17

‘Nyameɛ nwa: Na ɔkɔwa kyɛ, ngyẽa bɔ oli nziɛ ne anu, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mmrasua kɔhyɛ ngɔm; ɛmɔ mmerandeɛ mɔ konya nyekyire, na ɛmɔ mbanyi mɔ kɔhyehye laleɛ;

Galatiafoɛ 4:26

Nakoso nyameɛso Yerusalem ne de, ɔnne ngoaasolɛ nu, na ɔte yɛ maame.