Hesekiel 40:1 - AHYERƐLƐ KRONGRON

¹ Bɛhyele yɛ nnure bɛhɔle ne, ye afoɛ aburanyɔ ne nnu ne anu, afoɛ n’ahyɛaseɛ bosome ne anu eleburu ne aso, bɛbɔle kuro ne ɔ, né ye afoɛ buru ne nna ɛne, sɔ kyẽa ne ala yeɛ AWURADE tumi wale me so ɔ, na ɔfale me wale berɛ.

Hesekiel 40:1 Iomraidhean Croise

Ɛksadɔso 12:3

Ka kyire Yisrael maen ne amukoraa kyɛ, bosome he anu kyẽa bɔ ɔtɔ so buru ne, ɔsɛ kyɛ bienzua biala pena boaen akrɔngrɔma ko ma ye awuro ama, awuro biala nu kohia boaen akrɔngrɔma ko.

Ɛksadɔso 12:41

Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 40:2

“Kyẽa bɔ oli moa wɔ bosome bɔ oli moa ne anu ne, si nyianu ɛtena sua ne.

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 29:17

Na ɔwale kyɛ, afoɛ aburanyɔ ne nzoo ne anu, bosome bɔ oli moa ne, ye kyẽa bɔ oli moa ne, AWURADE lale ye dwirɛ ali hyirele me kyɛ,

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 3:22

AWURADE tumi ne wale me so wɔ berɛ, na osele me kyɛ, “Dwɔso, si nu kɔ bɔnza ne anu dɔ, na dɔ yeɛ me ne wɔ yɛkodwudwo ɔ.”

Hesekiel 32:1

Afoɛ buru ne nyɔ ne anu, bosome buru ne nyɔ ne anu, kyẽa bɔ oli moa ne, AWURADE lale ye dwirɛ ali hyirele me kyɛ,

Hesekiel 32:17

Na afoɛ buru ne nyɔ ne anu, bosome bɔ oli moa ne anu, ye eleburu ne nnu ne aso, AWURADE lale ye dwirɛ ali hyirele me kyɛ,

Hesekiel 33:21

Bɛhyele yɛ nnure bɛhɔle ne, ye afoɛ buru ne nyɔ ne anu, bosome buru ne anu, ye elennu ne aso, biaa bie bɔ wanwati wafi Yerusalem ɔ ɔwale me berɛ oosele me kyɛ, “Babɔ kuro ne!”

Hesekiel 37:1

AWURADE tumi wale me so, ɔnate AWURADE Sunzum so ɔfale me fitele, na ɔfale me oogyinane bɔnza bie bɔ mmowue ayi nu to ɔ ye afia.

Hesekiel 8:1

Afoɛ bɔ ɔtɔ so nzia ne, bosome bɔ ɔtɔ so nzia ne anu, ye elennu ne aso, né nde m’awuro bɔ Yuda mbanyi bɛtete me nyunu ɔ, na AWURADE Nyameɛ tumi wale me so wɔ berɛ.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,