Hesekiel 4:7 - AHYERƐLƐ KRONGRON

⁷ Afei, fa wɔ nye kyire Yerusalem bɔ batua ye ne, bɔ wɔ sa nwo te kwaterekwa ɔ, ná hyɛ ngɔm tia kuro ne.

Hesekiel 4:7 Iomraidhean Croise

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Hesekiel 21:2

“Sona awa, fa wɔ nye kyire Yerusalem, ná kã dwirɛ fa nekaa krongron nemɔ anwo; hyɛ ngɔm tia Yisrael aseɛ ne,

Hesekiel 4:3

Afei fa buralɛ tɛtrɛtɛɛ, fa yɛ buralɛ fasue wɔ wɔ ne kuro ne b’afia, fa wɔ nye kyire ye, maa ɔyɛ kuro bɔ batua ye ɔ, ná tua ye serɛserɛ. Na ɛhe kɔyɛ sɛngyerɛnneɛ kɔma Yisrael awuro ama.

Hesekiel 5:2

Nu ngyɛmuɛ nza nu ko ne, mmerɛ bɔ kuro ne tualɛ ne kɔwa ayieleɛ ne, fa see yera ye wɔ kuro n’afia berɛ. Ngyɛmuɛ nza nu ko wora, fa ngrandɛ pepɛ nu wɔ kuro ne anwo bra yia. Yeɛ ngyɛmuɛ nza bɔ waha ne koso, pete gua mvrama nu, na ngɔhwe ngrandɛ ngɔfa ngɔfoa bɛ.

Hesekiel 6:2

“Sona awa, fa wɔ nye kyire Yisrael mmokaa nemɔ, ná hyɛ ngɔm tia bɛ,

Daniel 11:17

Ɔkɔfa kosie ye nye so kyɛ ɔkɔfa ye ahennie ne amukoraa nu tumi kɔwa; na ɔne bɛ bɔ bɛtengyɛ ɔ kɔwa, ɔkɔma ye brasua maa okogya, amaa ɔnate so wanya atee wabɔ ahennie maen ne; nakoso apam ne ngogyina, yeɛ so ngɔwa mvasoɛ ngɔma ye.