Hesekiel 4:4 - AHYERƐLƐ KRONGRON

⁴ “Afei, da hyerewaa so wɔ wɔ bɛen so, ná fa Yisrael awuro ama b’amumuyɛɛ gua wɔ so. Na ngyẽa somaa biala bɔ ɛla hyerewaa so nen, né b’amumuyɛɛ yeɛ asoa ɔ.

Hesekiel 4:4 Iomraidhean Croise

Hesekiel 4:5

Ofikyɛ mahyehyɛ ngyẽa somaa bie mama wɔ, bɔ ye somaa ne, ɔne b’amumuyɛɛ afoɛ ne somaa te pɛ ɔ, na ɔte ngyẽa ɛyaa nza ne aburahona bɔ yeɛ ɛkɔfa kɔsoa Yisrael awuro ama b’amumuyɛɛ ɔ.

Hesekiel 4:8

Tie, ngɔfa nyamaa ngɔkyekye wɔ, bɔ ɛngɔhora ngɔpɛne wɔ nwo ngofi wɔ bue ko aso ngɔhɔ ko aso ɔ, kɔpem kyɛ ngyẽa bɔ ɛfa tua kuro ne kɔwa ayieleɛ ɔ.

Lewitikɔso 10:17

“Nzu ati yeɛ ɛmɔanni bɔne nwo afɔleɛ ne wɔ nekaa bɔ ɔte krongron ɔ? Ofikyɛ ɔte nikye krongron paa, na Nyameɛ afa ama ɛmɔ, amaa ɛmɔaprapra mmenia nemɔ amumuyɛɛ bagua na ɛmɔapata bama bɛ wɔ AWURADE nyunu.

Lewitikɔso 16:22

Yisraelfoɛ bɛ bɔne amukoraa, abɔngye ne kɔsoa kɔhɔ aseɛ bɔ kuro sona biala ɔtte so ɔ so; na odi kyɛ ɔkɔyakyi abɔngye ne wɔ eburo dɔ.

Numeri 14:34

Ngyẽa eleburanna yeɛ ɛmɔfa bɛɛtetɛle aseɛ ne ɔ. Na kyɛbɔ ngyẽa ne somaa te ne, ɛmɔ amumuyɛɛ kɔbɔ ɛmɔ ti so afoɛ aburanna, bɔ kyẽa ko biala gyi berɛ ma afoɛ ko ɔ; na ɛmɔkonwu kyɛbɔ me yaafɛlɛ si te ɔ.

Numeri 18:1

AWURADE sele Aarɔn kyɛ, “Nekaa krongron ne anu ɛsɔnenɛ ne, bɔne biala ba ye nwo a, ɛne wɔ mma mɔ ne wɔ nana mɔ sasofoɛ yeɛ odi kyɛ ɛmɔnea bedi ye nwo dwumaa ɔ, yeɛ asɔfo adwuma ne koso, bɔne biala ba ye nwo a, ɛne wɔ mma mɔ ngome yeɛ odi kyɛ ɛmɔnea bedi ye nwo dwumaa ɔ.

Mateo 8:17

Na ɛhe mane bɔ ngɔmhyɛlɛniɛ Yesaya hane ne wale nu kyɛ, “Ye yeɛ ɔfale yɛ anwommerɛlɛ, ná ɔsoale yɛ anwonyerɛ mɔ.”

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.