Hesekiel 4:2 - AHYERƐLƐ KRONGRON

² tua kuro ne, yɔ nyinasoɛ bɔ bɛkɔfo so bɛkɔhɔ kuro ne anu ɔ, boaboa anweaa sire wɔ ye si, kyekye asikyeleɛ pɛ ye nwo bra yia, ná fa nikyee bɔ bɛfa bedwiri fasue begua ɔ pɛ ye nwo bra yia.

Hesekiel 4:2 Iomraidhean Croise

2 Samuel 20:15

Mmenia bɔ beli Yoabo si ne, bɛhane Bikri bepuane wɔ Abel Bete Maaka. Afei kuro berɛ fasue ne, bɛboaboale nyɔboɛ noa wɔ ye si maa ɔhɔle anwuro. Na bɛhyɛle ye bo kyɛ bedwiri fasue ne begua.

Yesaya 22:7

Teaseɛnam mɔ ayi wɔ bɔnza nyemenenyemene nemɔ anu to, yeɛ pɔngɔhanɛfoɛ koso bagyinagyina pambim ne anu.

Yeremia 32:24

Ao nea, bagyinagyina nyinasoɛ mɔ wɔ kuro ne anwo kyɛ bɛfa betua kuro ne bedi so ngonim, na ɔnate ngrandɛ ne ɛhɔen ne ewue anwonyerɛ ne ati, bafa kuro ne bawura Kaldeafoɛ bɔ bafa koɛ bateta ye ne, bɛ sa. Edwirɛ bɔ ɛhane ne wawa nu, na nea, wɔ bɔbɔ enwu ye.

Yeremia 33:4

Ofikyɛ kuro he aso sua mɔ ne Yuda ahemvo mɔ sua mɔ bɔ bɛfale nyinasoɛ ne ngrandɛ bedwiri beguale ne, bɔ AWURADE Yisrael Nyameɛ, ɔkã fa bɛ nwo ɛhe:

Yeremia 52:4

Na ɔwale kyɛ Sedekia ye ahennie afoɛ bɔ ɔtɔ so ngona ne, ye bosome buru ne anu, ye eleburu ne aso, Babilɔn hene Nebukadenesa ne ye koɛhonɛfoɛ amukoraa bɛfale koɛ bɛɛtetale Yerusalem. Betuale kuro ne, na bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛbrale ye nwo beyiale.

Yeremia 6:6

Ofikyɛ bɔ Asafo AWURADE ɔkã hɔ ɛhe: “Ɛ́mɔbubu Yerusalem mmakaa bégua, ɛ́mɔfa bɛ́yɛ nyinasoɛ bɛ́fo bɛhɔ kuro ne anu. Ɔte kuro bɔ ɔfata kyɛ bɛtwe ye so ɔ, nhyɛsoɛ ngome yeɛ ɔwɔ nu ɔ.

Hesekiel 21:22

Ye sa famaa ne anu serewagualɛ ne, waye Yerusalem. Wahyɛ kyɛ behũhũ mmenia, ɔ́bɔ ese, wayɔ nikyee bɔ bɛfa bebubu pambim ɔ, bɔ bɛfa betua kuro ɔ, ɔne atweleɛ mɔ bɔ begyina so betua kuro ɔ.

Hesekiel 21:27

Ngɔbɔ ye oo, ngɔbɔ ye oo, ngɔbɔ kuro ne, na ɛhe ngosi, kɔpem kyɛ bɔ ndɛenbualɛ wura ye sa ne kɔwa ɔ, na ye yeɛ ngɔfa ngowura ye sa ɔ.’

Hesekiel 5:2

Nu ngyɛmuɛ nza nu ko ne, mmerɛ bɔ kuro ne tualɛ ne kɔwa ayieleɛ ne, fa see yera ye wɔ kuro n’afia berɛ. Ngyɛmuɛ nza nu ko wora, fa ngrandɛ pepɛ nu wɔ kuro ne anwo bra yia. Yeɛ ngyɛmuɛ nza bɔ waha ne koso, pete gua mvrama nu, na ngɔhwe ngrandɛ ngɔfa ngɔfoa bɛ.

Daniel 11:15

Afei, sorɔ dɔ hene ne kɔwa, ɔkɔkyekye nyinasoɛ bɔ begyina so bɛfo fasue ɔ, na okoli nguro mɔ bɔ bato bɛ nwo fasue nemɔ so ngonim. Ngwaen dɔ lɔen nemɔ ngɔhora ye noa gyina, koɛhonɛfoɛ paa paa nemɔ po bengonya anwoserɛ bengogyina ye noa.