Hesekiel 4:14 - AHYERƐLƐ KRONGRON

¹⁴ Yeɛ nzele kyɛ, “Ao, AWURADE Nyameɛ, me kra nwo ogguale fiɛ le; ofi me ngwadaa nu bɔ ɔbaadwu ɛnɛ ɔ, nnnili kaka bɔ ye bɔbɔ wawu ɔ anaa bɔ kaka bie ahye ye ɔ le, yeɛ akyiwadeɛ naen biala ɔhhane me noa le.”

Hesekiel 4:14 Iomraidhean Croise

Ɛksadɔso 22:30

Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Ɛksadɔso 22:31

“Ɛmɔkɔyɛ me mmenia krongron, yiti nnɛma ɛmɔdi naen biala bɔ kaka bie ahu ye wɔ eburo ɔ; ɛ́mɔgyi bégua bɛ́ma ngyea.

Yesaya 65:4

bɔ bɛtenatena asieleɛ mɔ nu, bɛtenatena mvealeɛ nu nekaa bie kɔngɔen, bɔ bedi prako naen, bɔ akyiwadeɛ turoo wɔ bɛ turonzemaa nu;

Yesaya 66:17

“Bɛ bɔ bɛpete bɛ nwo bɛte bɛ nwo wɔ turo nemɔ anu, wɔ sona ko bɔ ogyi afia berɛ ne asi, bɔ bedi prako naen, akyiwadeɛ ne mmurokuruwa ne, b’ayieleɛ koyie bɛ kɔbɔ nu, AWURADE noa dwirɛ ɛne.

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Hesekiel 4:15

Yeɛ osele me kyɛ, “Yoo, mate. Nzaade ngɔmaa ɛkɔfa nandwie bii ekosi sona bondua gya nu, ná ato w’aleɛ ne wɔ so.”

Hesekiel 44:31

Onni kyɛ asɔfo nemɔ bedi nikyee biala bɔ ye bɔbɔ wawu, anaa bɔ kaka bie ahu ye ɔ, kyɛ anomaa oo, anaa kaka bie oo.

Hesekiel 9:8

Na begu so bɔ bekũkũ bɛ ne, ɔhale me ngome wɔ berɛ, na mvale me nyunu mmutuli berɛ ndeateane nu kyɛ, “Ao, AWURADE Nyameɛ, aso ɛbaanua bɛ bɔ baha wɔ Yisrael ne amukoraa bɛ boso wɔ wɔ yaafɛlɛ bɔ afɛ ye wɔ Yerusalem so ne anu anaa?”

Daniel 1:8

Nakoso Daniel yɛle ye adwene kyɛ ongoli Nana aleɛ ngɔno ye nzaa ne, ná ɔngɔfa ngogua ye nwo fiɛ. Yiti ɔsrɛle sayɛɛ panyi ne kyɛ ɔma ye ate, amaa ɔnate so wangua ye nwo fiɛ.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Lewitikɔso 19:7

Na sɛ bedi ye ɛlɛsa ne aso a, ɔte musue; ɔngɔsɔ Nyameɛ nye.

Lewitikɔso 22:8

Naenmvuin anaa naen bɔ kaka aboyaa bie ahu ye atete ye de, nnɛmaa odi ná wamva wangua ye nwo fiɛ: Me ole AWURADE.’

Asomafoɛ 10:14

Na Petro sele kyɛ, “Daabi, Awurade, ofikyɛ nnnili nikyee biala bɔ bekyi na ye nwo nde le.”

Deuteronomi 14:21

“Nnɛma ɛmɔdi kaka fuin biala. Ɛkɔhora kɔfa kɔma ɛwɔfoɛ bɔ ɔwɔ wɔ kuro maa okoli, anaakyɛ ɛkɔhora kɔyɛ ye atɔen kɔma ɛwɔfoɛ; ofikyɛ ɛte maen krongron ma AWURADE wɔ Nyameɛ. “Nnɛfa abɔngye ba oni nyɔfonesue gua ye nwo to.

Deuteronomi 14:3

“Nnɛdi akyiwadeɛ biala.