Hesekiel 39:9 - AHYERƐLƐ KRONGRON

⁹ “Na afei mmenia bɔ bɛtete Yisrael nguro nemɔ aso ne, bɛkɔɔfa akodeɛ nemɔ bekohua see; bɛkɔfa akokyɛm nemɔ, buralɛ ndaadeɛ, agyaen ne agyaen mmakaa, mmopura ne pealɛɛ nemɔ bɛkɔsɔ see, na bɛkɔfa bɛkɔsɔ see afoɛ nzoo.

Hesekiel 39:9 Iomraidhean Croise

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Hesekiel 39:10

Na ɔnate sɔ ati, bɛngɔpena eyein wɔ eburo, yeɛ bengobubu ebie wɔ ɛhɔayeɛ nemɔ anu, ofikyɛ akodeɛ nemɔ yeɛ bɛkɔfa bɛkɔsɔ see ɔ. Na bɛ bɔ bɛfene bɛ nningyein ne, bɛ koso bɛkɔfẽ bɛ deɛ bie; yeɛ bɛ bɔ bɛbɔle bɛ so apaa ne, bɛ koso bɛkɔbɔ bɛ so apaa bie, AWURADE Nyameɛ noa dwirɛ ɛne.

Hesekiel 39:8

Tie, ɔbaasi, na okosi koso, AWURADE Nyameɛ noa dwirɛ ɛne. Kyẽa bɔ mahã ye nwo dwirɛ ne, ye ɛne.

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Malaki 1:5

Ɛmɔ nye konwu ye, na ɛmɔkose kyɛ, “AWURADE ye piri ne, ɔtrɛ kɔ Yisrael wɛen ne asi dɔ!”

Yosua 11:6

Na AWURADE sele Yosua kyɛ, “Nnɛsuro bɛ, ofikyɛ ɛhema bekye sɔa ala, ngohũhũ bɛ mukoraati ngɔma Yisrael. Na odi kyɛ ɛpepɛ bɛ mbɔngɔ mɔ gya ndii nu, ná ɛfa see yera bɛ teaseɛnam nemɔ.”