Hesekiel 39:7 - AHYERƐLƐ KRONGRON

⁷ “Ngɔla me dumaa krongron ne ali wɔ me maen Yisrael nu, mengɔma bengogua me dumaa krongron ne nwo fiɛ ko; na maen maen nemɔ bekonwu kyɛ me ole AWURADE, Yisrael nu Krongronniɛ ne.

Hesekiel 39:7 Iomraidhean Croise

Edwein 103:1

Ao me kra, ye AWURADE ayɛ, yeɛ bɔ ɔwɔ me nu amukoraa, ɛ́mɔye ye dumaa krongron ne ayɛ.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 43:14

AWURADE, ɛmɔ Defoɛ, Yisrael Krongronniɛ ne, ɔnwa nyoo: “Ɔnate ɛmɔ ti, masoma maa bahɔ Babilɔn, kyɛ beebubu mmuralɛ bɔ ɔbrambram pambim nemɔ asi ne anu, na Kaldeafoɛ anigye esebɔlɛ ne, ɔkɔkakyi awuyebɔlɛ.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yesaya 45:11

AWURADE, Yisrael Krongronniɛ ne, bɔ ɔbɔle Yisrael ne, ɔnwa nyoo: “Bɔ ngɔyɔ ngɔfa me mma nwo ne, aso odi kyɛ ɛmɔbisa me hɔ ɔ? Anaa, odi kyɛ ɛmɔhyɛ me wɔ me sa noa adwuma nwo?

Yesaya 49:26

Bɛ bɔ bɛhyɛ wɔ so ne, ngɔfa bɛ bɔbɔ bɛ nwonaen maa bekoli, na bɛ bɔbɔ bɛ mogya kɔbo bɛ kyɛ nzaa. Na afei anwoɔnaen amukoraa konwu ye kyɛ me, AWURADE, me ole wɔ Ngoadefoɛ ne wɔ Defoɛ, Yakob ye Tuminiɛ ne.”

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Yesaya 60:14

Na bɛ bɔ bɛhyɛle wɔ so ne, bɛ boso ama kɔwa bɛkɔɔkoto wɔ; yeɛ ebiala bɔ obuli wɔ animtia ne, okoobu ndwerɛ wɔ wɔ gya bo; bɛkɔfrɛ wɔ AWURADE Kuro, Yisrael Krongronniɛ ne, ye Sion.

Yesaya 60:9

Amba, supɔ mɔ kɔnwondɛ me, Tasise ɛlɛen mɔ yeɛ bekoli moa ɔ, bɛkɔfa wɔ mma mɔ bekofi dedeede bɛkɔwa bɔ b’ɛdwetɛ ne bɛ sikaa kɔkorɛ boka so, bɔ bɛbaafa bɛhyɛ AWURADE wɔ Nyameɛ dumaa animnyam, ɔne Yisrael Krongronniɛ ne animnyam ɔ, ofikyɛ wahyɛ wɔ animnyam.

Hesekiel 20:14

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nye tua kyɛ nyele bɛ mvili berɛ male ne.

Hesekiel 20:39

“Na ɛmɔ, Yisrael awuro ama, AWURADE Nyameɛ nwa nyoo: Sɛ ɛmɔngotie me dwirɛ de a, nzaade afei ɛmɔ nu biala ɔhɔ ɔɔso ye mmosoen. Nakoso ye si ye, nnɛma ɛmɔfa ɛmɔ akyɛdeɛ ne ɛmɔ mmosoen ne begua me dumaa krongron ne nwo fiɛ ko.

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Hesekiel 36:23

Na me dumaa piri bɔ ɛmɔagua ye nwo fiɛ wɔ maen maen mɔ nu, bɔ ɛmɔagua ye nwo fiɛ wɔ bɛ nu ne, ngɔyɛ ye krongron. Na sɛ meyɛ me dumaa ne krongron wɔ ɛmɔ nu, bɔ bɛ nye tua a, afei maen maen mɔ konwu kyɛ me ole AWURADE, AWURADE Nyameɛ noa dwirɛ ɛne.

Hesekiel 36:36

Na afei maen maen mɔ bɔ baha bɔ bapɛ ɛmɔ nwo bayia ne, bekonwu kyɛ me, AWURADE, me yeɛ makyekye nguro bɔ babɔ nemɔ ɔ, kyɛ me yeɛ malua mmakaa wɔ aseɛ bɔ né ɔla berɛ mbaen ne aso ɔ. Me, AWURADE, me yeɛ mahã ɔ, na ngɔyɔ.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Hesekiel 39:22

Na ofi sɔ kyẽa ne bɔ ɔkɔ ɔ, Yisrael awuro ama konwu kyɛ me ole AWURADE bɛ Nyameɛ.

Hesekiel 39:25

“Yiti AWURADE Nyameɛ nwa nyoo: Ngosa ngɔfa Yakob ngofi nnurehyelɛ nu ngɔwa, na ngonwu Yisrael awuro ama mukoraa anwumvoin, na ngɔhwe me dumaa krongron ne nwo nungunɛ.

Hesekiel 39:8

Tie, ɔbaasi, na okosi koso, AWURADE Nyameɛ noa dwirɛ ɛne. Kyẽa bɔ mahã ye nwo dwirɛ ne, ye ɛne.

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.