Hesekiel 39:2 - AHYERƐLƐ KRONGRON

² Ngɔmaa ɛkɔkakyi wɔ nwo kosa kɔwa, ngɔhwe wɔ ngɔhɔ, na ngotu wɔ ngofi sorɔ dɔ paa maa ɛkɔɔfa koɛ kɔtoa Yisrael mmokaa nemɔ.

Hesekiel 39:2 Iomraidhean Croise

Edwein 40:14

Bɛ bɔ bɛpena kyɛ bede me ngoa befi me sa nu ne, ma bɛ nyunu ogua ase, ná bɛfɛre; bɛ bɔ bɛpena me ne tɛɛ ne, foa bɛ maa besa bɛ si, ná bɛ nyunu ogua ase.

Edwein 68:2

Kyɛbɔ mvrama bɔ nwosina kɔ ne, sɔ ala yeɛ foa bɛ maa bɛhɔ ɔ; ao Nyameɛ, kyɛbɔ sakyeɛ huro wɔ see nu ne, sɔ ala yeɛ maa bɔnefoɛ bewuwu wɔ wɔ nyunu ɔ.

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Hesekiel 32:30

“Berɛ yeɛ sorɔ dɔ atitirefoɛ amukoraa bɛwɔ ɔ, yeɛ Sidoniafoɛ amukoraa. Bɛ ne mmenia bɔ bahũ bɛ ɔ yeɛ bahɔ aseɛ bo dɔ ɔ. B’anwoserɛ bɔ bɛfa benwunanwunane mmenia ne asi ne po, animguaseɛ ahã bɛ. Bɛte bɛmbɛ-bɛ-bienzuafoɛ, bɛ ne bɛ bɔ batotɔ ngrandɛ noa yeɛ bɛlela berɛ ɔ, na bɛ ne bɛ bɔ bahɔ ɛborɔ kumaa nu yeɛ bɛso b’animguaseɛ ɔ.

Hesekiel 38:15

Ekofi w’atenaleɛ wɔ sorɔ dɔ paa kɔwa, ɛne maen maen pee bɔ bɛboka wɔ so ɔ, bɔ bɛ mukoraa bɛtete mbɔngɔ so ɔ, ɛlɔen pirikua ne koɛhonɛfoɛ anwoserɛfoɛ;

Hesekiel 39:1

Na wɔ, Sona awa, hyɛ ngɔm tia Gɔgo ná kã kyɛ, AWURADE Nyameɛ nwa nyoo: Tie, wɔ Gɔgo bɔ edi Meseke ne Tubal so hene ɔ, meko metia wɔ!

Hesekiel 39:3

Na afei ngobubu w’agyaen mɔ bɔ bɛwɔ wɔ sa bɛen nu ne, na ngɔma w’agyaen mmakaa bɔ bɛwɔ wɔ sa famaa nu ne kɔye kogua ase.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.