Hesekiel 39:11 - AHYERƐLƐ KRONGRON

¹¹ “Na ɔkɔwa kyɛ, sɔ kyẽa ne, ngɔma Gɔgo aseɛ bɔ bekosie ye so ɔ wɔ Yisrael, wɔ Akwandufoɛ Bɔnza bɔ ɔwɔ ɛpo eyia afiteleɛ ne anu, bɔnza bɔ osi akwandufoɛ atee ne. Berɛ yeɛ bekosie Gɔgo ne ye lɔen worawora ne amukoraa ɔ, na bɛkɔfrɛ berɛ Hamon Gɔgo Bɔnza.

Hesekiel 39:11 Iomraidhean Croise

Ɛksadɔso 8:14

Bɛboaboale bɛ noa kure kure, na maen ne anu bone mvamvamvamva.

Hesekiel 38:2

“Sona awa, fa wɔ nye kyire Gɔgo, bɔ ɔwɔ Magɔgo aseɛ so ne, Meseke ne Tubal bɛ hene ne, ná hyɛ ngɔm tia ye.

Hesekiel 39:10

Na ɔnate sɔ ati, bɛngɔpena eyein wɔ eburo, yeɛ bengobubu ebie wɔ ɛhɔayeɛ nemɔ anu, ofikyɛ akodeɛ nemɔ yeɛ bɛkɔfa bɛkɔsɔ see ɔ. Na bɛ bɔ bɛfene bɛ nningyein ne, bɛ koso bɛkɔfẽ bɛ deɛ bie; yeɛ bɛ bɔ bɛbɔle bɛ so apaa ne, bɛ koso bɛkɔbɔ bɛ so apaa bie, AWURADE Nyameɛ noa dwirɛ ɛne.

Hesekiel 39:12

Na Yisrael awuro ama kɔfa ɛsraen nzoo yeɛ bekosie bɛ ɔ, kyɛ bɛfa bɛpete aseɛ ne anwo.

Hesekiel 39:15

Na sɛ sɔ mmenia nemɔ bekyinikyini aseɛ ne aso, ná bɛ nu bie nwu sona bowue a, ɔkɔfa sɛngyerɛnneɛ bie kɔhyɛ berɛ nzorɛ, kɔpem kyɛ mmenia bɔ besie fuin nemɔ ne bekosie ye wɔ Hamon Gɔgo Bɔnza ne anu ɔ.

Hesekiel 47:18

“Eyia afiteleɛ bue nu dɔ, ofi Hayuran ne Damasko ne Gileade, yeɛ ofi Yisrael aseɛ wɔ asue Yɔɔdan wɛen so, ɛ́mɔsusu befi ɛwɛen ne aso beedwu eyia afiteleɛ ɛpo ne; ɛhe yeɛ ɔte eyia afiteleɛ wɛen ɔ.

Numeri 11:34

Yiti bɛfrɛle berɛ Kibrote Hataawa, ofikyɛ berɛ yeɛ besiele mmenia bɔ benyane akɔnnɔ tɛɛ ne ɔ.

Numeri 34:11

na ɛwɛen ne kɔtorotoro kofi Sefam koodwu Ribla bɔ ɔwɔ Ayin eyia afiteleɛ ne. Ɛwɛen ne kɔtorotoro koodwu Kinerete Ɛpo eyia afiteleɛ ndoroleɛ nu.

Luka 5:1

Na ɔwale kyɛ, né mmenia ahyere ye so kyɛ bɛbaatie Nyameɛ dwirɛ ne. Né ogyi Gɛnesarɛte mboanoa.

Yohane 6:1

Ɛhe asi ne, Yesu pɛle Galilea ɛpo bɔ besa bɛfrɛ ye Tiberia ɛpo ne hɔle ye si dɔ.