Hesekiel 39:10 - AHYERƐLƐ KRONGRON

¹⁰ Na ɔnate sɔ ati, bɛngɔpena eyein wɔ eburo, yeɛ bengobubu ebie wɔ ɛhɔayeɛ nemɔ anu, ofikyɛ akodeɛ nemɔ yeɛ bɛkɔfa bɛkɔsɔ see ɔ. Na bɛ bɔ bɛfene bɛ nningyein ne, bɛ koso bɛkɔfẽ bɛ deɛ bie; yeɛ bɛ bɔ bɛbɔle bɛ so apaa ne, bɛ koso bɛkɔbɔ bɛ so apaa bie, AWURADE Nyameɛ noa dwirɛ ɛne.

Hesekiel 39:10 Iomraidhean Croise

Ɛksadɔso 12:36

Né AWURADE ama Misraimfoɛ alo Yisraelfoɛ dada; yiti bɛ sa hane bɔ bebisale befili bɛ berɛ amukoraati. Bɛyɛle Misraimfoɛ dosodoso.

Ɛksadɔso 3:22

Yisrael brasua biala kobisa ɛdwetɛ ne sikaa kɔkorɛ mbembenanneɛ ne ndena kofi Misraim brasua bɔ ɔne ye bɛte bepingye ɔ berɛ, ɔne Misraim brasua biala bɔ ɔte ye awuro ɔ berɛ, na ɛmɔkɔfa sɔ nningyein ne bekosiesie ɛmɔ mma mmienzua ne mmrasua mɔ nwo. Na ɛhe kɔmaa ɛmɔkonya koɛ nu nzesadeɛ bekofi Misraimfoɛ berɛ.”

Yesaya 14:2

Maen maen mɔ kɔfa Yisraelfoɛ bɛkɔwa Yisraelfoɛ bɔbɔ b’aseɛ so, na Yisrael awuro ama kɔfa maen maen nemɔ kɔyɛ nganga ne afaneɛ mɔ wɔ AWURADE aseɛ ne aso. Na mmenia bɔ bɛhyele Yisrael nnure ne, Yisrael koso kɔhye bɛ nnure, na bekoli sɔ mmenia bɔ bɛhyɛle bɛ so ne aso.

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Hesekiel 39:11

“Na ɔkɔwa kyɛ, sɔ kyẽa ne, ngɔma Gɔgo aseɛ bɔ bekosie ye so ɔ wɔ Yisrael, wɔ Akwandufoɛ Bɔnza bɔ ɔwɔ ɛpo eyia afiteleɛ ne anu, bɔnza bɔ osi akwandufoɛ atee ne. Berɛ yeɛ bekosie Gɔgo ne ye lɔen worawora ne amukoraa ɔ, na bɛkɔfrɛ berɛ Hamon Gɔgo Bɔnza.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Habakuku 2:8

Ɔnate kyɛ afẽ maen maen pee afa ne ati, maen ngaa nemɔ amukoraa koso bɛkɔfẽ wɔ bɛkɔfa, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Habakuku 3:8

Ao AWURADE, aso asue mɔ yeɛ w’ahone huli bɛ so ne anaa? Asue mɔ yeɛ ɛfɛle bɛ so yaa ne anaa? Ɛpo yeɛ wɔ nye borole ye so ne anaa, mmerɛ bɔ né ɛte wɔ mbɔngɔ so, ne wɔ ngoalelɛ teaseɛnam mɔ nu ne?

Sakaria 14:14

Yuda koso kɔho koɛ wɔ Yerusalem. Na bɛkɔboaboa maen maen amukoraa bɔ bapɛ ye nwo bayia nemɔ b’anwonya worawora ne noa. Ɔte sikaa kɔkorɛ, ɛdwetɛ ne ndena.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 18:6

Ɛ́mɔtua ye so kerɛ kyɛbɔ otuale ɛmɔ so kerɛ ne, ɛ́mɔtua ye so kerɛ mmɔhoɛ nyɔ, kyɛbɔ ye yɔleɛ te ɔ; kwangoa bɔ nu yeɛ ɔfrafrale ne, ɛ́mɔfra ye mmɔhoɛ nyɔ bɛ́ma ye.