Hesekiel 38:4 - AHYERƐLƐ KRONGRON

⁴ Ngɔmaa ɛkɔfa wɔ nye kohyire neka foforɛ, ngɔfa koaa ngɔsosɔ w’awogyee, na ngɔhwe wɔ ne wɔ lɔen amukoraa ngofite, ɛne wɔ mbɔngɔ ne pɔngɔhanɛfoɛ, bɔ bɛ mukoraa bewurawura koɛ ndaadeɛ ahoroɔ, ɛlɔen piri paa bɔ bɛ mukoraa bewurawura buralɛ ataadeɛ, bɔ betiratira akokyɛm ne pealɛɛ ɔ.

Hesekiel 38:4 Iomraidhean Croise

2 Ahemvo 19:28

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me kaa ngosina wɔ bonyi anu, ná matofi wɔ noa nu mafa me nyamaa mawura nu; na ngɔmaa ɛkɔkakyi wɔ nye, ɛkɔfa atee bɔ ɛnate so wale ne aso ekosa kɔhɔ.

1 Aberɛso Dwirɛ 12:8

Gade abusua kure nu, koɛhonɛfoɛ ahoneserɛfoɛ bɔ babe wɔ koɛhonɛ nu ne, bɛɛbokale Dawide so wɔ anwoserɛ afealeɛ bɔ ɔwɔ ɛserɛ so ne anu. Né bɛkora bɛfa akokyɛm ne pealɛɛ bɛko paa. Bɛ nye yɛ se kyɛ gyata, yeɛ bɛ nwo koso yɛ nyera kyɛ bokaa so ɛwanzane.

2 Aberɛso Dwirɛ 25:5

Amasia mane Yudafoɛ bɛbɔle dwaa, na ɔboaboale bɛ noa kure kure kyɛbɔ bɛ nana mɔ sasofoɛ te ɔ. Ɔfale safohene mɔ tuatuale Yudafoɛ ne Benyaminfoɛ amukoraa bɛ noa maa bɛlale mmenia apee apee ne ɛyaa ɛyaa bɛ noa. Bɛ bɔ bali ofi afoɛ aburanyɔ bɔ ɔkɔ ne, ɔhale bɛ, na onwuni kyɛ bɛ somaa te koɛhonɛfoɛ apee ɛyaa nza, bɔ baneanea nu baye bɛ bɔ bɛkora bɛkɔ koɛ ɔ, bɔ bɛse pealɛɛ ne akokyɛm nu sɔ ɔ.

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Yesaya 43:17

bɔ ɔmane teaseɛnam mɔ ne mbɔngɔ, ɛlɔen ne koɛhonɛfoɛ fite wale ne, ye noa dwirɛ ɛne. Bɛtete beguale, na bangora dwɔso ko, onuane bɛ boso, na bɛ boso minini kyɛ kanea nyamaa.

Yeremia 46:9

Mbɔngɔ, ɛ́mɔdwɔso! Ao teaseɛnam mɔ, ɛ́mɔkekã ɛmɔ anwo! Koɛhonɛfoɛ, ɛmɔhɔ ɛmɔ nyunu: Yitiopiafoɛ ne Libiafoɛ bɔ ɛmɔtira akokyɛm ɔ, Lidiafoɛ bɔ ɛmɔse agyaen to paa ɔ.

Hesekiel 23:12

Ɔfale ye nwo mane Asiriafoɛ, amrado mɔ ne safohene mɔ, koɛhonɛfoɛ bɔ bawurawura bɛ koɛ ndaadeɛ ɔ, pɔngɔhanɛfoɛ bɔ bɛtete mbɔngɔ so ɔ, mmerandeɛ bɔ bɛ mukoraa bɛ nwo yɛ nyemene ɔ.

Hesekiel 29:4

Nakoso ngɔfa koaa ngɔsosɔ w’awogyee, w’asue mɔ nu tire mɔ, ngɔmaa bɛkɔmatamata wɔ si boen ne anwo, ngɔhwe wɔ ngofi w’asue nemɔ anu, na w’asue nemɔ anu tire amukoraa bɛkɔmatamata wɔ si boen ne.

Hesekiel 38:15

Ekofi w’atenaleɛ wɔ sorɔ dɔ paa kɔwa, ɛne maen maen pee bɔ bɛboka wɔ so ɔ, bɔ bɛ mukoraa bɛtete mbɔngɔ so ɔ, ɛlɔen pirikua ne koɛhonɛfoɛ anwoserɛfoɛ;

Hesekiel 38:3

Kã kyɛ, AWURADE Nyameɛ nwa nyoo: Tie, wɔ, Gɔgo, meko metia wɔ, wɔ bɔ edi Meseke ne Tubal so hene ne!

Hesekiel 39:2

Ngɔmaa ɛkɔkakyi wɔ nwo kosa kɔwa, ngɔhwe wɔ ngɔhɔ, na ngotu wɔ ngofi sorɔ dɔ paa maa ɛkɔɔfa koɛ kɔtoa Yisrael mmokaa nemɔ.

Hesekiel 39:20

Me poentolɛ ne abo, ɛmɔkoli mbɔngɔ, pɔngɔhanɛfoɛ, katakyie mɔ ne koɛhonɛfoɛ amukoraa naen kɔma ɛmɔ ko koyi,’ AWURADE Nyameɛ noa dwirɛ ɛne.

Daniel 11:40

“Na ayieleɛ mmerɛ ne dwu a, ngwaen dɔ hene ne kɔfa koɛ kɔɔteta ye. Nakoso sorɔ dɔ hene ne kɔfa teaseɛnam mɔ ne pɔngɔhanɛfoɛ ne ɛlɛen pee kɔhɔ ye so kyɛ mvrama bɔ ɔpɛ ye nwo ɔ, na ɔkɔfa koɛ kɔteta maen maen pee kohwi kɔfa bɛ so kyɛ asue bɔ wayi ɔ.

Amose 4:2

AWURADE Nyameɛ afa ye krongronyɛlɛ wata ndaen kyɛ, Ɛ́mɔtie, ngyẽa bie ɔba ɛmɔ so, bɔ bɛkɔfa buralɛ koateɛ bɛkɔhwe ɛmɔ bɛkɔhɔ, yeɛ bɛkɔfa koaa bɛkɔhwe ɛmɔ si ama mɔ bɛkɔhɔ.