Hesekiel 36:3 - AHYERƐLƐ KRONGRON

³ hyɛ ngɔm ná se kyɛ, AWURADE Nyameɛ nwa nyoo: Bɛkakyili ɛmɔ kurofoen, yeɛ bɛbɔle ɛmɔ tɔɔ wɔ nekaa biala, maa ɔnate so ɛmɔyɛle maen maen ngaa nemɔ b’agyapadeɛ, na mmenia gorole ɛmɔ nwo bɛfale ɛmɔ belili fene;

Hesekiel 36:3 Iomraidhean Croise

Edwein 35:25

Nnɛma bɛkekã ye wɔ bɛ ti anu kyɛ, “Ehee, yɛ sa ahã bɔ yɛpena ɔ.” Nnɛmaa bɛkã kyɛ, “Yayie ye pasaa.”

Edwein 61:1

Ao Nyameɛ, tie me sufrɛ, tie me mbaeɛ.

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Edwein 79:10

Nzu ati yeɛ odi kyɛ maen maen mɔ bebisa kyɛ, “Bɛ Nyameɛ ne, ɔwɔ nisua” ɔ? Wɔ somvoɛ mɔ bɛ mogya so wereɛtɔlɛ ne, ma maen maen mɔ benwu ye bɔ yɛ koso yɛ nye tua ɔ.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Anyandera 1:12

maa yɛhu bɛ anyekaenn so kyɛbɔ asieleɛ ɔme sona ɔ, maa yɛsie bɛ mumua ne kyɛbɔ mmenia kɔda ɛborɔ kumaa nu ɔ;

Yeremia 18:16

Bama b’aseɛ ne aso ayɛ pralaa, na wayɛ nikyee bɔ mmenia sobi bɛ noa begua so afebɔɔ ɔ. Ebiala bɔ ɔpɛ nu berɛ ne, ye nwo kodwiri ye, na okopusu ye ti.

Yeremia 2:15

Gyata akrɔngrɔma nemɔ bepo ye, babobɔ nu serɛserɛ paa. Bama ye aseɛ akakyi aseɛ pralaa; bayerayera ye nguro nemɔ, bɔ sona fee ɔtte so ɔ.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 33:24

“Aso ɛttele kyɛ maen he bɛkekã kyɛ, ‘AWURADE apo mmusua nyɔ bɔ ɔneaneane nu yele bɛ ne’ ɔ? Ye sɔ ati, mmenia abu me maen animtia bɔ bemmu bɛ ko kyɛ bɛtte maen ɔ.

Yeremia 51:34

“Babilɔn hene Nebukadenesa wapura me, wapɛkyɛ me; wayɛ me tondura too, wame me kyɛ sasrabɔnzam yeɛ wame me ɔ; wafa me kunu nningyein fɛɛ wayi ye ko, na wafe me wato ase.

Yeremia 52:1

Sedekia lili hene ne, né wali afoɛ aburanyɔ ne ko, na olili hene afoɛ buru ne ko wɔ Yerusalem. Ye maame dumaa li Hamutal bɔ ye baba ole Yeremia bɔ ofi Libina ne.

Awuye 2:2

AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Awuye 2:5

AWURADE akakyi kyɛ pɔfoɛ, wasɛkye Yisrael. Wasɛkye ye ahemvie mɔ amukoraa, wasɛkye ye anwoserɛ afealeɛ mɔ, na wamaa esuɛ ne awuyebɔlɛ basone wɔ Yuda awa brasua ne anu.

Awuye 3:62

Bɛ bɔ bedwɔso betia me ne, ate bɛ noa dwirɛ, ɔne adwene tɛɛ bɔ bɛdwene me nwo daa biala ɔ.

Hesekiel 12:20

Nguro bɔ bɛtete so nemɔ kɔbɔ, aseɛ ne kɔkakyi kurofoen, na ɛmɔkonwu kyɛ me ole AWURADE.”

Hesekiel 13:10

Na ɔnate kyɛ bɛlakalaka me maen bɛkã kyɛ, ‘Asomdwee,’ wɔ aberɛ bɔ asomdwee nne berɛ ɔ; yeɛ sɛ maen ne to fasue a, sɔ ngɔmhyɛlɛfoɛ nemɔ bɛfa ewure bɛkã ye nwo ne ati,

Hesekiel 35:13

Ɛmɔfale ɛmɔ noa bɛkekane anwomasoɛ dwirɛ betiale me, ɛmɔkekane edwirɛ pee betiale me, na ndele.

Hesekiel 36:5

Yiti AWURADE Nyameɛ nwa nyoo: Nahorɛ nu, nungunɛ piri paa nu yeɛ mefa medwudwo metia maen maen ngaa nemɔ ɔ, ɔne Edom amukoraa; ofikyɛ bele anigye amukoraa ne animtia piri paa bɛfale m’aseɛ bɛyɛle bɛ deɛ, kyɛbɔ ɔkɔyɛ bɔ bɛkɔfẽ so nningyein bɛkɔfa ɔ.

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Lewitikɔso 26:43

Na bɛkɔyakyi aseɛ ne berɛ maa okoli ye afofi afoɛ mɔ wɔ mmerɛ bɔ ɔla berɛ mbaen ɔ; bekole bɛkɔto nu kyɛ bedi fɔ, ɔnate kyɛ bɛpole me nhyehyɛleɛ, na m’ahyɛdeɛ nwo yɛle bɛ kra nya.

Obadia 1:13

Ahaa onni kyɛ ewura me maen pambim ne anu, wɔ kyẽa bɔ edwirɛ tole bɛ ne anu; amba, ahaa onni kyɛ edi ahurusi ɛnea b’aworabɔlɛlilɛ ne wɔ kyẽa bɔ edwirɛ tole bɛ ne anu, yeɛ ahaa onni kyɛ ɛfẽ bɛ nningyein fa wɔ kyẽa bɔ edwirɛ tole bɛ ne anu.

1 Korintofoɛ 4:13

Bɛsɛkye yɛ dumaa a, yɛne bɛ nyaka. Yayɛ kyɛ ewiase fiɛ, na yayɛ nningyein mukoraa boso wura maa waadwu ɛnɛ.

Deuteronomi 28:37

Maen maen mukoraati bɔ AWURADE kɔfa wɔ kɔhɔ so ne, bɔ ɔkɔto wɔ ne kɔyɛ bɛ nwanwa, na ɛmɔkɔkakyi berɛ ama mɔ bɛ noa nu anyandera ne ngorohoɛ dwirɛ.