Hesekiel 34:6 - AHYERƐLƐ KRONGRON

⁶ Me mmoaen nemɔ bɛbɔ bɛsandele wɔ mmokaa mukoraa ne pambaa biala so. Amba, me mmoaen nemɔ bɛbɔle aya bɛhɔle aseɛ so nekaa biala, na ebiala ammisa bɛ boso, yeɛ ebiala ambena bɛ.

Hesekiel 34:6 Iomraidhean Croise

Edwein 119:176

Mali makyebu kyɛ boaen bɔ wamini ɔ; pena wɔ somvoɛ, ofikyɛ memma me wora mvi wɔ mmeraa dwirɛ ne.

Edwein 142:4

Sɛ menea me sa famaa so a, menwu ye kyɛ me nwo nhia ebiala; mennya afealeɛ biala, sona biala ndwene me ngoa nwo.

Yesaya 51:18

Ye mma mukoraa bɔ wawo bɛ ne, nu biala anyɛ ye taataa; ye mma mukoraa bɔ watete bɛ ne, nu biala anzɔ ye sa.

Yeremia 10:21

Ofikyɛ neafoɛ nemɔ bagyimi, na bɛmbena AWURADE si ate; yiti wanyie bɛ yé, na bɛ mmoaen amukoraa babɔ aya.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Yeremia 50:6

“Me maen akakyi mmoaen bɔ bamini ɔ; bɛ neafoɛ nemɔ amaa bali makyebu. Bɛmaa behyinini wɔ mmokaa nemɔ aso; bafi mmokaa so bahɔ pambaa mɔ so, bɛ wora afi bɛ dabea.

Hesekiel 34:7

“Yiti, ɛmɔ, mmoaenneafoɛ, ɛ́mɔtie AWURADE noa dwirɛ:

Hesekiel 7:16

Na bɛ bɔ bɛkɔnwati bekonya bɛ ti bekodidi nu ne, bɛkɔhɔ mmokaa nemɔ aso kyɛ bɔnza nu mmubure, na ɔnate bɛ mukoraa b’amumuyɛɛ ti, ebiala kɔpene.

Hosea 7:13

Bɛ yaakɔ oo! Ofikyɛ banwati bafi me nwo bahɔ. Amaneɛ ato bɛ, ofikyɛ bayɛ me nwo lɔen. Ahaa mekuro kyɛ mepepɛ mede bɛ, nakoso bɛpepɛ me nwo ngondombo.

Yoel 3:2

ngɔboaboa maen maen amukoraa bɛ noa, ngɔfa bɛ ngɔwa Yehosafate bɔnza ne anu, na berɛ yeɛ ngɔbɔ bɛ kwaadu ɔ, ɔnate me maen ne m’agyapadeɛ Yisrael bɔ babɔ bɛ basande maen maen mɔ so, ɔne m’aseɛ bɔ bahyɛ ne ati.

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.