Hesekiel 34:4 - AHYERƐLƐ KRONGRON

⁴ Bɔ wayɛ mmerɛ ne, ɛmɔamma ye nwo anyɛ se; bɔ ɔnde apɔ ne, ɛmɔanza ye anwonyerɛ; bɔ wabubu ne, ɛmɔammɔ ye borɛ; bɔ bafoa ye maa wahɔ ne, ɛmɔamva ye bamma; bɔ wamini ne, ɛmɔangɔ ambena ye boso; na mmom nhyɛsoɛ ne atianuserɛ yeɛ ɛmɔfa bedi bɛ so ɔ.

Hesekiel 34:4 Iomraidhean Croise

Yesaya 1:5

Nzu ati yeɛ ɛmɔkuro kyɛ mekɔ so mebo ɛmɔ ɔ? Nzu ati yeɛ ɛmɔtɛyɛ lɔen ye? Tire ne amukoraa nde apɔ, yeɛ ahone ne amukoraa ayɛ hodwoo.

Yesaya 3:7

Nakoso ko ne kɔtea nu sɔ kyẽa ne kose kyɛ, “Daabi, mengonya ɛhawo he anwo sɔbea oo, aleɛ anaa ɛtena biala nne m’awuro, yiti nnɛma ɛmɔfa me bedi mmenia ne aso panyi.”

Yesaya 56:10

Ye awɛmvoɛ nemɔ bɛ nye asi, bɛ mukoraa nimdeɛ abɔ bɛ, bɛ mukoraa bɛte ngyea mumu, bɛngora po, na laleɛhyenɛ, asefuo nu lalɛ ne nnaa yeɛ watɔ bɛ so ɔ.

Yeremia 22:13

Musue to sona bɔ ɔnate amumuyɛɛ so ɔkyekye ye awuro, bɔ ɔnate asisie atee so ɔfa osi ye aborɔsaen, bɔ ɔma obiɛngo yɔ ye adwuma mbaen, bɔ ɔmva ye akatuaa mma ye,

Yeremia 8:22

Aso ayire biala nne Gileade anaa? Aso safoɛ biala nne berɛ anaa? Nzu ati yeɛ me maen awa brasua bennya bɛssale ye anwonyerɛ ye?

Hesekiel 19:6

Ohyinihyinini wɔ gyata nemɔ anu, ofikyɛ né wayɛ gyata akrɔngrɔma, osuane naenhyelɛ, na ɔhyehyele mmenia.

Hesekiel 19:7

Ɔsɛkyele b’anwoserɛ afealeɛ mɔ, na ɔbɔle bɛ nguro mɔ. Na ye komvi bobɔle nu maa ɔgyegyele, na aseɛ ne aso ama mukoraa bɛ nwo dwirili bɛ.

Hesekiel 19:9

Beguale ye ngɔnzɔngɔnzɔ, begyili ye bɛtole tuin nu, bɛfale ye bɛbrɛle Babilɔn hene, na bɛfale ye bɛtole kuku nu, kyɛbɔ ɔkɔyɛ bɔ bɛngɔte ye komvi ko wɔ Yisrael mmokaa nemɔ aso ɔ.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Lewitikɔso 25:43

Nnɛhyɛ bɛ so, na mmom suro wɔ Nyameɛ.

Mateo 10:6

na mmom ɛmɔhɔ mmoaen bɔ bamini bɔ bɛ ole Yisrael awuro ama ne berɛ.

Mateo 21:35

Nakoso hwɛsofoɛ nemɔ hyele ye somvoɛ nemɔ, bɛbole ko, behuni ko, yeɛ bɛborole ko wora nyɔboɛ.

Mateo 24:49

ná ɔhyɛ ye bo ɔbo ye mmango ngoaa nemɔ, ná ɔne akɔnomnzafoɛ bedidi bɛno a,

Mateo 9:36

Na onwuni mmenia pembepembe ne, bɛyɛle ye anwumvo, ofikyɛ né bafɛ, na né bɛsamo berɛ kyɛ mmoaen bɔ belle neafoɛ ɔ.

2 Korintofoɛ 1:24

Nna kyɛ yɛhyɛ ɛmɔ so wɔ ɛmɔ gyidie nwo ɔ, na mmom kyɛbɔ ɛmɔ nye kɔha ti yeɛ yɛ ne ɛmɔ yɔ adwuma yɛbɔ nu ɔ, ofikyɛ ɛmɔ gyidie gyi berɛ pindinn.

Hebrifoɛ 12:12

Yiti ɛ́mɔma ɛmɔ sa bɔ nu agoho, ɔne ɛmɔ nangoroma bɔ nu ayɛ hodwoo ne anu yɛ se.