Hesekiel 34:3 - AHYERƐLƐ KRONGRON

³ Ɛloe ne yeɛ ɛmɔdi ɔ, mmoaen ne nwo nwiaa yeɛ ɛmɔfa bɛyɛ ɛtena bɛkera ɔ, ɛmɔku bɔ walɔ ne, nakoso mmoaen nemɔ de, ɛmɔnnea bɛ so.

Hesekiel 34:3 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

Anyandera 30:14

Mmenia biemɔ wɔ berɛ a, bɛ gye te kyɛ ngrandɛ, bɛ gye bɔ ɔwɔ bɛ nnaalɔ dɔ ne, ɔte kyɛ dadeɛ ba, bɔ bɛfa bekuku mmenia bɔ bɛyɛ anwumvo ɔ befi aseɛ ye aso, ɔne ehiafoɛ befi adasa nu ɔ.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Awuye 4:13

Ofikyɛ ye ngɔmhyɛlɛfoɛ nemɔ bɛ bɔne, ɔne ye asɔfo nemɔ b’amumuyɛɛ ti yeɛ ɔwale ye sɔ ɔ. Bahã teneneefoɛ mogya bagua wɔ ye nu.

Hesekiel 19:3

Ɔtetele ye mma mmaa mmaa nemɔ nu ko maa ɔɔyɛle gyata akrɔngrɔma, osuane naenhyelɛ; na ɔhyehyele mmenia.

Hesekiel 19:6

Ohyinihyinini wɔ gyata nemɔ anu, ofikyɛ né wayɛ gyata akrɔngrɔma, osuane naenhyelɛ, na ɔhyehyele mmenia.

Amose 6:4

“Ɛmɔ yaakɔ! Ɛmɔ bɔ ɛmɔla mba bɔ bafa ɛsoen gye bayɔ ɔ so, bɔ ɛmɔtwe ɛmɔ nu wɔ ɛmɔ bɛen so, bɔ ɛmɔku mmoaen kure ne anu mmoaen akrɔngrɔma mɔ, ɔne tuin ne anu nandwie akrɔngrɔma mɔ bedi ɔ;

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Sakaria 11:16

Tie, mebaama mmoaenneafoɛ bie odwɔso wɔ aseɛ ne aso, bɔ ɔngɔdwene bɛ bɔ bamini ne anwo, bɔ ɔngɔpena akrɔngrɔma nemɔ si atee, bɔ ɔngɔyɛ bɛ bɔ bapura nemɔ ayire, bɔ ɔngɔma bɛ bɔ bɛte apɔ ne aleɛ ɔ; na mmom okohu bɛ bɔ balɔ ne koli, ná watete bɛ gya boen nu pasapasa.

Sakaria 11:5

Bɛ bɔ bɛtɔ bɛ ne, bekuku bɛ bɛfa bɛ nwo bedi. Yeɛ bɛ bɔ bɛyɛ bɛ atɔen ne koso, bɛkã kyɛ, ‘Animnyam hã AWURADE, ofikyɛ manya me nwo’; yeɛ bɛ bɔbɔ bɛ neafoɛ nemɔ koso bennwu bɛ anwumvoin.