Hesekiel 34:2 - AHYERƐLƐ KRONGRON

² Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hesekiel 34:2 Iomraidhean Croise

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Yeremia 10:21

Ofikyɛ neafoɛ nemɔ bagyimi, na bɛmbena AWURADE si ate; yiti wanyie bɛ yé, na bɛ mmoaen amukoraa babɔ aya.

Yeremia 12:10

Neafoɛ pee basɛkye me bobe boo ne, bahwi bafa me bue deɛ so, me bue deɛ nyemenenyemene ne, basɛkye ye pasaa.

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Yeremia 23:1

“Mmoaenneafoɛ bɔ bekũkũ me mmoaen kure ná bɛbɔ bɛ bɛsande ɔ, bɛ yaakɔ!” AWURADE noa dwirɛ ɛne.

Yeremia 3:15

“ ‘Ngɔye neafoɛ mɔ bɔ bɛla m’ahone nwo ɔ ngɔma ɛmɔ, bɔ bɛkɔfa nimdeɛ ne nworɛ bɛkɔtete ɛmɔ ɔ.

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Hesekiel 22:25

Aseɛ bɔ so ngɔmhyɛlɛfoɛ bɛbɔ porɛ, bɛte kyɛ gyata bɔ wahye naen ná opo ɔtete ye nu ɔ. Beku mmenia, bede anwonya ne mbembenanneɛ, na bama so akunafoɛ mmrasua basone pee.

Hesekiel 33:24

“Sona awa, mmenia bɔ bɛtete sɔ Yisrael aseɛ bɔ wakakyi kurofoen ne aso ne, bɛnwa, ‘Né Abraham te sona horɛ, yeɛ onyane aseɛ ne fa yɛle ye deɛ ɔ; nakoso yɛ de yɛsone, na yɛ mmom yeɛ bafa aseɛ ne bama yɛ kyɛ yɛfa yɛyɛ yɛ deɛ ɔ.’

Hesekiel 34:1

Yeɛ AWURADE lale ye dwirɛ ali hyirele me kyɛ,

Hesekiel 34:14

Aleɛ paa yeɛ ngɔfa ngɔma bɛ ɔ, na Yisrael mmokaa ndendenn nemɔ aso yeɛ ɔkɔyɛ nekaa bɔ bekodidi ɔ. Berɛ yeɛ bekobutubutu ɔ, wɔ aseɛ bɔ aleɛ paa wɔ so ne aso, na bekoli ndire paa wɔ Yisrael mmokaa nemɔ aso.

Hesekiel 34:15

Me bɔbɔ deinn yeɛ ngɔnea me mmoaen nemɔ aso ɔ, na me bɔbɔ ngɔmaa bekobutubutu berɛ, AWURADE Nyameɛ noa dwirɛ ɛne.

Amose 6:4

“Ɛmɔ yaakɔ! Ɛmɔ bɔ ɛmɔla mba bɔ bafa ɛsoen gye bayɔ ɔ so, bɔ ɛmɔtwe ɛmɔ nu wɔ ɛmɔ bɛen so, bɔ ɛmɔku mmoaen kure ne anu mmoaen akrɔngrɔma mɔ, ɔne tuin ne anu nandwie akrɔngrɔma mɔ bedi ɔ;

Sakaria 11:17

Mmoaenneafoɛ tɛɛ bɔ ɔto mmoaen nemɔ asaworam ne, ye yaakɔ! Ngrandɛ kɔpɛ ye sa, yeɛ okotu ye nye famaa. Ye sa kowu bɔkɔɔ, na ye nye famaa kosi bɔkɔɔ.”

Yohane 10:8

Bɛ bɔ belili me nyunu moa bɛwale ne amukoraa bɛte awuefoɛ ne awerɔm awuefoɛ, na mmoaen nemɔ bandie bɛ.

Asomafoɛ 20:26

Ɛhe ati ɛnɛ kyẽa ye mekã mekyire ɛmɔ kyɛ, menni ɛmɔ nu biala mogya nwo fɔ;

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

2 Korintofoɛ 12:14

Ye pɛen nza ɛhe yeɛ maboaboa me nwo kyɛ meba ɛmɔ berɛ ɔ. Memmanyɛ ɛmɔ so tɔsom, ofikyɛ membena ɛmɔ dɔ nikye fee, na mmom mepena ɛmɔ bɔbɔ deinn. Ofikyɛ nna mmaa yeɛ bɛpena nikyee bɛyakyi awofoɛ ɔ, na mmom awofoɛ yeɛ bɛpena bɛyakyi mmaa ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,