Hesekiel 34:12 - AHYERƐLƐ KRONGRON

¹² Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 34:12 Iomraidhean Croise

Anyandera 27:23

Odi kyɛ enwu kyɛbɔ wɔ mmoaen b’aporɛnuserɛ osi te ɔ, yeɛ odi kyɛ ɛnea wɔ nyɛmmoa mɔ so yé;

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yesaya 56:8

AWURADE Nyameɛ bɔ ɔboaboa Yisrael mmenia bɔ babɔ aya noa ne, ɔnwa nyoo: “Mmenia bɔ maboaboa bɛ noa mama ye ne, ngɔhɔ so ngɔboaboa ebieku noa ngɔboka ye so.”

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 23:3

Na afei, me bɔbɔ ngɔboaboa me mmoaen ngaa nemɔ anoa ngofi maen maen bɔ mafoa bɛ maagua so nemɔ aso, na ngosa ngɔfa bɛ ngɔwa bɛ nekaa bɔ bedidi ɔ, na bɛkɔwo bɛkɔta pee.

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Yeremia 31:8

Tie, ngɔɔfa bɛ ngofi sorɔ dɔ aseɛ ne aso, ná maboaboa bɛ noa mafi aseɛ noa dɔ paa bɔ ɛhemɔ boka so ɔ: anyesiniwaafoɛ ne bubuafoɛ, mmrataen ne pemvoɛ mɔ, na bɛte fekue kandinga bɔ bekosa bɛkɔwa wa ɔ.

Yeremia 33:12

“Bɔ Asafo AWURADE kã ɛhe: Ɛwa bɔ wayɛ kurofoen, bɔ sona anaa kaka biala ɔnne so ye, yeɛ ye nguro ne amukoraa so, ɔkɔkakyi nekaa bɔ mmoaenneafoɛ bɛma bɛ mmoaen kure aleɛ, ná bɛmaa bɛdeda berɛ ɔ.

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Hesekiel 32:7

Sɛ menua wɔ boso a, ngɔkata ewienu, na ngɔma nzramaa mɔ kɔyɛ tunn; ngɔfa munungum ngɔkata eyia nyunu, na ɛsraen ngɔta.

Sefania 1:15

Sɔ kyẽa ne, ɔte ahonehulɛ kyẽa, amaneɛ ne ahunundetelɛ kyẽa, ɛsɛkyelɛ ne ehunɛ kyẽa, awosii ne aworabɔlɛ kyẽa, munungum ne awosii kabii kyẽa,

Sakaria 10:3

“M’ahone ahu mmoaenneafoɛ nemɔ so, na ngɔhwe mbɔngye nemɔ so; ofikyɛ Asafo AWURADE kɔɔpasa ye mmoaen kure bɔ ye ole Yuda awuro ama ne anwo, na ɔkɔfa bɛ kɔyɛ kyɛ ye anidie pɔngɔ wɔ koɛ nu.

Sakaria 9:16

Na sɔ kyẽa ne, AWURADE bɛ Nyameɛ kole bɛ ngoa, ɔnate kyɛ bɛte ye maen mmoaen kure, ofikyɛ bɛkɔyɛ kyɛ mbembenanneɛ bɔ betuatua abotire nu bɔ bɛta wɔ ye aseɛ so ɔ.

Luka 15:8

“Anaakyɛ brasua beni yeɛ ole sikadwetɛ buru, ná nu ko mini a, ɔngɔsɔ kanea ngɔpoa sua nu berɛ, ná ɔngɔyere ye nwo ngɔpena kɔpem kyɛ okonwu ye ɔ?

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.