Hesekiel 34:10 - AHYERƐLƐ KRONGRON

¹⁰ AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Hesekiel 34:10 Iomraidhean Croise

Edwein 23:5

Ɛto me poen wɔ me pɔfoɛ mɔ nyunu; ɛfa ngoo popa me ti so; me kulie yi bu fa so.

Yeremia 21:13

Tie, wɔ bɔ ɛte bɔnza ne anu, wɔ bɔ ɛte aseɛ frɛtɛɛ so nyɔbotaen ɔ, meko metia wɔ, ɛmɔ bɔ ɛmɔkekã kyɛ, ‘Nwa yeɛ okodwu kɔwa yɛ so ɔ, anaakyɛ nwa yeɛ okowura y’atenaleɛ mɔ nu ɔ?’ AWURADE noa dwirɛ ɛne.

Yeremia 39:6

Yeɛ Babilɔn hene huhuni Sedekia mma mmienzua nemɔ wɔ Ribla bɔ ye nye tua ɔ. Asa koso, Babilɔn hene huhuni Yuda atitire amukoraa.

Yeremia 50:31

Wɔ, anwomasoɛniɛ, tie, meko metia wɔ, ofikyɛ wɔ kyẽa ne adwu, mmerɛ bɔ ngɔhwe wɔ so ne ɛne, AWURADE noa dwirɛ ɛne.

Hesekiel 13:23

Ye sɔ ne ati, ɛmɔngonwu ngondombo nyekyire ko, yeɛ ɛmɔngɔhyɛ ngɔm ko. Na ngole me mmenia ngofi ɛmɔ sa nu, amaa ɔnate so ɛmɔanwu kyɛ me ole AWURADE.”

Hesekiel 13:8

Ye sɔ ne ati, AWURADE Nyameɛ nwa nyoo, “Ɔnate ɛmɔ dwirɛ mbaen mbaen kekanɛ ɔne ɛmɔ ngondombo nyekyire ne ati, ɛ́mɔtie, meko metia ɛmɔ, AWURADE Nyameɛ noa dwirɛ ɛne.

Hesekiel 21:3

ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 3:18

Sɛ mekã mekyire bɔnefoɛ kyɛ, ‘Ewue yeɛ ekowu ɔ,’ ná ammɔ ye kɔkɔ, anaa anga angyire bɔnefoɛ ne maa wandwe ye nwo wamvi ye bɔne nwo, amaa ɔnate so wannya ngoa a, ye de sɔ bɔnefoɛ ne kowu ye amumuyɛɛ nu de; nakoso ye mogya de, wɔ berɛ yeɛ ngobisa ngofi ɔ.

Hesekiel 3:20

Yeɛ sɛ teneneeniɛ odi ye tenenee nwo makyebu ɔkɔyɔ amumuyɛɛ, ná mefa sundidua meto ye atee nu a, okowu. Na ɔnate kyɛ ammɔ ye kɔkɔ ne ati, okowu ye bɔne nu, na bɛngɔkaye ye tenenee bra bɔ ɔbɔle ne; nakoso ye mogya de, wɔ berɛ yeɛ ngobisa ngofi ɔ.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hesekiel 34:22

ngole me mmoaen nemɔ ngoa, bɛngɔyɛ ebiemɔ bɛ nikyee bɔ bɛfẽ bɛfa ɔ ko; na ngobua boaen ne boaen b’afia ndɛen.

Hesekiel 34:8

Kyɛ nde ase ye, susu amba kyɛ, me mmoaen akakyi nikyee bɔ ebiemɔ bɛfẽ bɛfa ɔ; bakakyi eburo ngaka amukoraa b’aleɛ, ofikyɛ belle mmoaenneafoɛ biala; yeɛ me mmoaenneafoɛ nemɔ bambena bɛ boso, na mmom mmoaenneafoɛ nemɔ bɛnea bɛ bɔbɔ bɛ nwo so, na bɛnnea me mmoaen nemɔ aso, AWURADE noa dwirɛ ɛne.

Hesekiel 34:9

Yiti, ɛmɔ, mmoaenneafoɛ, ɛ́mɔtie AWURADE noa dwirɛ:

Hesekiel 35:3

Se ye kyɛ, AWURADE Nyameɛ nwa nyoo: Tie, Sɛre bokaa, meko metia wɔ, ngɔtengyɛ me sa ngɔhwe wɔ so, ngɔbɔ wɔ tɔɔ, na ngɔmaa ɛkɔla berɛ mbaen.

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Sakaria 10:3

“M’ahone ahu mmoaenneafoɛ nemɔ so, na ngɔhwe mbɔngye nemɔ so; ofikyɛ Asafo AWURADE kɔɔpasa ye mmoaen kure bɔ ye ole Yuda awuro ama ne anwo, na ɔkɔfa bɛ kɔyɛ kyɛ ye anidie pɔngɔ wɔ koɛ nu.

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.

1 Petro 3:12

Ofikyɛ Awurade nye wɔ teneneefoɛ so, na ɔyɛ asoɛ ma bɛ mbaeɛ; nakoso bɛ bɔ bɛyɔ bɔne de, Awurade nye sa bɛ.