Hesekiel 33:4 - AHYERƐLƐ KRONGRON

⁴ ye de ebiala bɔ ɔkɔte totorobɛndo hulɛ ne, sɛ wamva kɔkɔbɔlɛ ne wanyɛ huu, ná ngrandɛ ne ba baku ye a, ye mogya kɔbɔ ye bɔbɔ ye ti so.

Hesekiel 33:4 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

1 Ahemvo 2:37

Ofikyɛ kyẽa bɔ ekotu wɔ bo, ná ɛkɔpɛ Kidron bɔnza ne, nwu ye kyɛ wɔ wue alaa ɛne, wɔ musue kɔbɔ wɔ bɔbɔ wɔ ti so.”

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Yeremia 25:3

“Ofi Yuda hene Yosia bɔ ye baba ole Amon ne, ye ahennie afoɛ bɔ ɔtɔ so buru ne nza bɔ ɔbaadwu ɛnɛ, bɔ ɔte afoɛ aburanyɔ ne nza ɔ, AWURADE ala ye dwirɛ ali ahyire me, na mahɔ so mahã mahyire ɛmɔ, nakoso ɛmɔandie.

Yeremia 6:17

Asa koso, nyeyele awɛmvoɛ kyɛ bɛbɔ ɛmɔ kɔkɔ kyɛ, ‘Ɛ́mɔtie totorobɛndo ne hulɛ ne!’ Nakoso bɛnwa, ‘Yɛngotie.’

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 33:5

Ɔtele totorobɛndo hulɛ ne, nakoso wamva kɔkɔbɔlɛ ne wanyɛ huu; ye mogya kɔbɔ ye bɔbɔ ye ti so. Nakoso ebiala bɔ otie kɔkɔbɔlɛ ne, onya ngoa ma ye kra.

Hesekiel 33:9

Nakoso sɛ ɛbɔ bɔnefoɛ ne kɔkɔ kyɛ ɔyakyi ye yɔleɛ, ná wanyakyi ye yɔleɛ a, ye amumuyɛɛ nu yeɛ okowu ɔ, nakoso wɔ de, ekonya ngoa kɔma wɔ kra.

Lewitikɔso 20:9

Ebiala bɔ ɔkɔnoma ɔse anaa oni ne, odi kyɛ beku ye, ɔnate kyɛ wanoma ɔse anaa oni, na ye wue kɔbɔ ye bɔbɔ ye ti so.

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 20:26

Ɛhe ati ɛnɛ kyẽa ye mekã mekyire ɛmɔ kyɛ, menni ɛmɔ nu biala mogya nwo fɔ;

Yakobo 1:22

Ɛ́mɔyɔ bɔ edwirɛ ne kã ne, na nnɛma ɛmɔyɛ atiefoɛ ngome bɛfa bɛlakalaka ɛmɔ nwo.