Hesekiel 32:7 - AHYERƐLƐ KRONGRON

⁷ Sɛ menua wɔ boso a, ngɔkata ewienu, na ngɔma nzramaa mɔ kɔyɛ tunn; ngɔfa munungum ngɔkata eyia nyunu, na ɛsraen ngɔta.

Hesekiel 32:7 Iomraidhean Croise

YOB NWOMAA NE 9:7

Ye bɔ ɔhyɛ eyia kyɛ nnɛmaa opukye a ombukye ɔ, ye bɔ omundu nzramaa mɔ nyunu mma bɛ nda ɔ.

Anyandera 13:9

Teneneefoɛ kanea ta hyireinn, nakoso bɔnefoɛ kanea de, onua.

Nworɛ Dwirɛhanɛniɛ 12:2

koraka né eyia, hyireinn, ɛsraen ne nzramaa bakakyi awosii, ɔne kyɛ esue tɔ a osa muna ɔ;

Yesaya 13:10

Ofikyɛ ewienu nzramaa ne nzramaa kure kure mɔ bɛngɔta, eyia pukye a, ɔkɔyɛ tunn, yeɛ ɛsraen koso ngɔta.

Yesaya 34:4

Anwuro abɔdeɛ amukoraa bekohuro, bɛkɔbobɔ ewienu kyɛ nwomaa, nu abɔdeɛ amukoraa bɛkɔporo bekogua, kyɛbɔ bobe nyaa poro gua ɔ, kyɛbɔ borɔdoma nyaa poro fi ye bakaa so gua ɔ.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Hesekiel 30:18

Tehafenese koso, alehyeleɛ kɔkakyi awosii, wɔ mmerɛ bɔ ngɔsɛkye Misraim tumi wɔ berɛ ne; na ye anwomasoɛ anwoserɛ ne, ɔkɔwa ayieleɛ, na munungum kɔkata ye so, na bɛkɔhye ye mma mmrasua mɔ nnure bɛkɔhɔ.

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Hesekiel 31:15

“AWURADE Nyameɛ nwa nyoo: Kyẽa bɔ owuli hɔle ɛborɔ dɔ ne, mmaa besuni ye. Ɔnate ye ti, ngatale buma ne aso, na mamma ye nzue ne wanze. Nzili ye nzue pembepembe ne ate; na ɔnate ye ti, mama Lebanon ahera ɛsɛen tena; na ɔnate ye ti, eburo mmakaa mukoraa bɛ nwo tole.

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:15

Eyia ne ɛsraen bakakyi awosii, ná nzramaa nemɔ bayakyi talɛ.

Amose 8:9

Na AWURADE nwa nyoo, “Ɔkɔwa kyɛ, sɔ kyẽa ne, ngɔma eyia kɔɔtɔ eyiagyina, na ngɔma awosii kɔwa aseɛ so eyia petee.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Marko 13:24

“Na sɔ mmerɛ ne anu amaneɛnwunɛ ne asi ne, eyia kɔkakyi awosii, na ɛsraen ngɔta,

Luka 21:25

“Na nzɛngyerɛnneɛ kɔwa eyia ne ɛsraen ne nzramaa mɔ nu; na kyɛbɔ ɛpo ne asorɔkye bekosi bekobu bɛkɔfa so ne, ɔkɔfa aworabɔlɛ ne ahunundetelɛ kɔto maen maen mɔ so wɔ aseɛ so.

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.