Hesekiel 32:4 - AHYERƐLƐ KRONGRON

⁴ Ngofindi wɔ ngɔto aseɛ so, ngogyi wɔ ngɔto buro, ngɔma ewienu nnomaa mukoraa bɛkɔɔtenatena wɔ so, na ngɔma aseɛ amukoraa so ngaka bekoli wɔ naen kɔma bɛ ko koyi.

Hesekiel 32:4 Iomraidhean Croise

Edwein 63:10

Bɛkɔtotɔ ngrandɛ noa, na bɛkɔyɛ ɛserɛ so ngyea bɛ naen.

Edwein 74:14

Ɛlɛngyɛen ne, ɛgorɔgorɔle ye ti nemɔ, na ɛfa mane ɛserɛsofoɛ maa belili.

Yesaya 14:19

nakoso wɔ de, bafindi wɔ bato bafi w’asieleɛ nu kyɛ bakaa mmaen bɔ ɔte akyiwadeɛ ɔ, kyɛ bɛ bɔ batotɔ ngrandɛ noa, bɔ bɛkɔ ɛborɔ kumaa nyɔboɛ nu, kyɛ efuin bɔ batiatia ye so ɔ.

Yesaya 18:6

Na ɔkɔyakyi ye mukoraa berɛ kɔma mmokaa so nnomaa bɔ bɛkye ngaka bedi ɔ, bɛ ne aseɛ so ngaka. Ɔkɔyɛ nnomaa bɔ bɛkye ngaka bedi ɔ b’aleɛ wɔ ahuhuro mmerɛ, ná wayɛ aseɛ so ngaka aleɛ wɔ prakasua mmerɛ.

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Yeremia 25:33

“Na bɛ bɔ AWURADE kohũhũ bɛ sɔ kyẽa ne, bɛkɔsamo berɛ kofi aseɛ noa kɔkã ye noa. Bengosu bɛ, bɛngɔboaboa bɛ noa, yeɛ bengosie bɛ, na bɛkɔkakyi fofoɛ wɔ aseɛ so.

Yeremia 8:2

Bɛkɔfa bɛ bɛkɔsamo ɛhemɔ anyunu: eyia, ɛsraen ne nyameɛso abɔdeɛ amukoraa bɔ behurole bɛ dwirɛ, bɛsole bɛ, belili bɛ si, ná bɛhɔle bɛ berɛ abisa bɛsɔnene bɛ ne. Bɛngɔboaboa mmowue nemɔ anoa, yeɛ bengosie bɛ; bɛkɔyɛ kyɛ fofoɛ wɔ aseɛ so.

Hesekiel 29:5

Ngofindi wɔ ngɔto ɛserɛ so, ɛne w’asue nemɔ anu tire amukoraa, ɛkɔɔtɔ aseɛ pralaa so, bɛngɔboaboa wɔ noa bengosie wɔ; na ngɔfa wɔ ngɔyɛ aleɛ ngɔma eburo ngaka ne ewienu nnomaa.

Hesekiel 35:8

Ngɔfa mmenia bɔ batotɔ ɔ ngoyi ye mmokaa nemɔ aso tɛkyɛ: na bɛ bɔ batotɔ ngrandɛ noa ne, wɔ pambaa nemɔ aso ne wɔ bɔnza nemɔ anu ɔne w’asue bɔnga mukoraa nu yeɛ bekogua ɔ.

Yoel 3:19

“Misraim kɔbɔ, na Edom kɔyɛ ɛserɛ pralaa, ɔnate akakabenzɛm bɔ bali ye wɔ Yudafoɛ so ne ati, ofikyɛ bahã mogya bɔ odi be ɔ bagua wɔ b’aseɛ ne aso.