Hesekiel 32:12 - AHYERƐLƐ KRONGRON

¹² Wɔ lɔen worawora ne, ngɔmaa bɛkɔtotɔ anwoserɛfoɛ bɛ ngrandɛ noa, mmenia bɔ bɛ mukoraa bɛ nwo yɛ suro paa wɔ maen maen mɔ nu ne. “Bekotu Misraim anwomasoɛ ne abo, na ye lɔen worawora amukoraa ne, bɛ boso konua.

Hesekiel 32:12 Iomraidhean Croise

Yeremia 46:12

Maen maen mɔ bate w’animguaseɛ ne, na wɔ suɛ ayi aseɛ ye aso tɛkyɛ, ofikyɛ koɛhonɛniɛ afĩ ase atɔ koɛhonɛniɛ so, na bɛ munyɔ babɔ nu batotɔ.”

Hesekiel 28:19

Mmenia amukoraa bɔ bɛse wɔ wɔ maen maen mɔ nu ne, wɔ ti bɛ nwo adwiri bɛ; w’ayieleɛ ayie wɔ pasaa, na engodwɔso ko le.”

Hesekiel 28:7

yiti, tie, ngɔfa ɛwɔfoɛ mɔ maa bɛkɔwa wɔ so, bɛte maen bɔ bɛ ti anu yɛ se paa wɔ maen maen mɔ nu ɔ; na bɛkɔhwe bɛ ngrandɛ wɔ w’anwonyemene ne wɔ nworɛ ne aso, na bekogua w’animnyam nwo fiɛ.

Hesekiel 29:19

Yiti AWURADE Nyameɛ nwa nyoo: Tie, ngɔfa Misraim aseɛ ngɔma Babilɔn hene Nebukadenesa. Ɔkɔsoa so mmenia worawora ne kɔhɔ, ɔkɔfa so nningyein kɔyɛ koɛ nu nzesadeɛ, ɔkɔfẽ so nningyein kɔfa, na ɔkɔfa kɔyɛ ye akatuaa kɔma ye lɔen ne.

Hesekiel 30:11

Ye, yeɛ ye mmenia bɔ bɛboka ye so ne, bɔ bɛ nwo yɛ suro tra maen maen mɔ nu biala ne; ngɔfa bɛ ngɔwa maa bɛkɔɔsɛkye maen ne, bɛkɔhwe bɛ ngrandɛ wɔ Misraim so, na bekohũhũ mmenia bekoyi aseɛ ne aso to.

Hesekiel 31:11

ngɔfa ye ngowura maen maen mɔ nu tuminiɛ ne sa; na ɔne ye koli amba kyɛbɔ ɔfata ɔ. Ɔnate ye amumuyɛɛ ti yeɛ matu ye bo mafi berɛ ɔ.

Hesekiel 31:12

Na ɛwɔfoɛ mɔ, bɔ bɛte maen maen mɔ nufoɛ atianuserɛfoɛ paa ne, bebuli ye bɛtole, na bɛyakyili ye berɛ. Ye mmaen guale mmokaa so ne bɔnza mukoraa nu. Yeɛ ye mmaen frɔmfrɔm ne bubu guale aseɛ so asue mukoraa noa; na aseɛ so maen mukoraa befili ye bo fɔnwoo ne anu, na bɛhɔ bɛyakyili ye berɛ.

Hesekiel 32:18

“Sona awa, bɔ Misraim lɔen worawora ne ti so awuye, na bɛ ne maen maen atitire mɔ bɛ mma mmrasua nemɔ, gyi bɛ gua aseɛ bo dɔ maa bɛɛboka mmenia bɔ bahɔ ɛborɔ kumaa nu dɔ ne aso.