Hesekiel 32:11 - AHYERƐLƐ KRONGRON

¹¹ Ofikyɛ AWURADE Nyameɛ nwa nyoo: Babilɔn hene ngrandɛ kɔwa wɔ so.

Hesekiel 32:11 Iomraidhean Croise

Yeremia 43:10

Na kã kyire bɛ kyɛ, ‘Asafo AWURADE, Yisrael Nyameɛ nwa nyoo: Ɛ́mɔtie, ngɔsoma ngɔɔfa me somvoɛ Babilɔn hene Nebukadenesa, na ngɔfa ye ahennie bia ngosie nyɔboɛ hemɔ bɔ mafa mafea ne aso, na ɔkɔfa ye ahennie akyiniwaa kɔkata bɛ so.

Yeremia 46:13

AWURADE dwirɛ bɔ ɔhã hyirele ngɔmhyɛlɛniɛ Yeremia, bɔ ɔfa kyɛbɔ Babilɔn hene Nebukadenesa kɔwa kɔɔsɛkye Misraim maen ne nen, ye ɛhe:

Hesekiel 26:7

“Ofikyɛ AWURADE Nyameɛ nwa nyoo: Tie, mebaafa Babilɔn hene Nebukadenesa bɔ ɔte ahemvo mɔ nu hene ne, ɔne mbɔngɔ, teaseɛnam mɔ, pɔngɔhanɛfoɛ ne koɛhonɛfoɛ ɛlɔen pee mefi sorɔ dɔ meba wɔ, Tiro so.

Hesekiel 29:19

Yiti AWURADE Nyameɛ nwa nyoo: Tie, ngɔfa Misraim aseɛ ngɔma Babilɔn hene Nebukadenesa. Ɔkɔsoa so mmenia worawora ne kɔhɔ, ɔkɔfa so nningyein kɔyɛ koɛ nu nzesadeɛ, ɔkɔfẽ so nningyein kɔfa, na ɔkɔfa kɔyɛ ye akatuaa kɔma ye lɔen ne.

Hesekiel 30:4

Ngrandɛ kɔwa Misraim so, ahunundetelɛ piri kɔtɔ Yitiopia so, mmerɛ bɔ apirafoɛ bɛkɔtotɔ wɔ Misraim ɔ, bɔ bɛkɔsesa ye nu nningyein worawora bɛkɔhɔ ɔ, bɔ bekodwiri ye nyinasoɛ bekogua ɔ.

Hesekiel 31:11

ngɔfa ye ngowura maen maen mɔ nu tuminiɛ ne sa; na ɔne ye koli amba kyɛbɔ ɔfata ɔ. Ɔnate ye amumuyɛɛ ti yeɛ matu ye bo mafi berɛ ɔ.