Hesekiel 32:10 - AHYERƐLƐ KRONGRON

¹⁰ Ɔnate wɔ ti ngɔma maen maen pee bɛ nwo kodwiri bɛ; na mmerɛ bɔ ngɔnwaha me ngrandɛ wɔ bɛ nyunu ne, ɔnate wɔ ti awɔse kogua b’ahemvo mɔ. Na kyẽa bɔ ɛkɔtɔ ase ne, bɛ nwo kɔwosowoso bɛ, bɔ ebiala kɔpena ye ti ngoa ɔ.

Hesekiel 32:10 Iomraidhean Croise

1 Ahemvo 9:8

Sua ye kodwiri kogua kɔyɛ kyɛ esire. Na ebiala bɔ ɔkɔpɛ nu wɔ ye nwo ne, ɔkɔyɛ ye nwanwa maa okosobi ye noa kogua so kɔhã kyɛ, “Nzu ati yeɛ AWURADE ayɛ maen ye ɔne awuro ye sɔa ye?”

Yesaya 30:32

Na ɔkɔwa kyɛ, asotwe mbire bɔ AWURADE kɔfa kofi ye biala ne, ɔkɔgyegye kyɛ akasaa ne sangoo, na ɔkɔfa ye tumi piri ne ɔne ye bɛkɔho.

Yeremia 51:9

Ahaa yɛpena kyɛ yɛsa Babilɔn anwonyerɛ, nakoso wande apɔ. Ɛ́mɔpo ye, ná ɛ́mɔma yɛ nu biala ɔhɔ ye bɔbɔ ye maen nu, ofikyɛ ye ndɛen bɔ babua ye ne, wafo wadwu nyameɛso, na bama so baadwu ewienu dɔ.

Hesekiel 26:16

Na afei, ɛpo so ahemvo amukoraa bekodwu ase bekofi b’ahennie bia so, bekopuropuro bɛ ndaadeɛ aguasoɛ, na bekodwa bɛ ndena bɔ bali adwii bagua nu ɔ bekogua berɛ. Ahunundetelɛ kɔtɔ bɛ so, bekopofo aseɛnwo, bɛ nwo kɔwoso bɛ mmerɛ biala, na ɔnate wɔ ti, bɛ nwo kodwiri bɛ.

Hesekiel 27:35

Na ɔnate wɔ ti, mboanoafoɛ amukoraa bɛ nwo dwiri bɛ; ɛserɛ kandinga kã b’ahemvo mɔ, na bɛ nyunu yɛ bosaa.

Hesekiel 30:9

“Sɔ kyẽa ne, ɛbɔfoɛ mɔ kofi me berɛ bɛkɔfo ɛlɛen bekoonwunanwuna Yitiopiafoɛ bɔ bɛ de bɛnwa bɛ nwo atɔ bɛ ne, na amaneɛ kandinga kɔto bɛ wɔ Misraim amaneɛnwunɛ kyẽa ne; ofikyɛ, okosi amba!

Sakaria 11:2

Wɔ, ɛframmire, bɔ awuye, ofikyɛ sida atutu atɔ ase, ofikyɛ animnyam mmakaa nemɔ basɛkye. Basan eluii mɔ, ɛ́mɔbɔ awuye, ofikyɛ babu ɛhɔayeɛ too ne bagua.

Deuteronomi 29:24

bɛ ne maen maen mukoraati kɔha kyɛ, ‘Nzu ati yeɛ AWURADE ayɛ aseɛ ye sɔa ye? Nzikyɛ yeɛ ɔmane sɔ ɛyaa piri he wale ye?’

Deuteronomi 32:41

sɛ mesi me ngrandɛ nahanaha ne, ná me sa sɔ nu wɔ ndɛenbualɛ nu a, ngɔtɔ me pɔfoɛ mɔ so wereɛ, na bɛ bɔ bekyi me koso, ngotua bɛ so kerɛ.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”