Hesekiel 30:9 - AHYERƐLƐ KRONGRON

⁹ “Sɔ kyẽa ne, ɛbɔfoɛ mɔ kofi me berɛ bɛkɔfo ɛlɛen bekoonwunanwuna Yitiopiafoɛ bɔ bɛ de bɛnwa bɛ nwo atɔ bɛ ne, na amaneɛ kandinga kɔto bɛ wɔ Misraim amaneɛnwunɛ kyẽa ne; ofikyɛ, okosi amba!

Hesekiel 30:9 Iomraidhean Croise

Yesaya 19:17

Yuda maen ne nwo suronyi kɔtɔ Misraim so. Sɛ ebiala te kyɛ babɔ Yuda dumaa a, ahunundetelɛ kɔtɔ ye so, ɔnate Asafo AWURADE nhyehyɛleɛ bɔ wahyehyɛ kyɛ okotua Misraim so kerɛ ne ati.

Yesaya 20:3

Na AWURADE sele kyɛ, “Kyɛbɔ me somvoɛ Yesaya waye ye nwo wato so wafa ye gya wagua ase toonn afoɛ nza, bɔ ɔte sɛngyerɛnneɛ ne kɔkɔbɔlɛ tia Misraim ne Yitiopia nen,

Yesaya 20:5

Na ɔnate kyɛ Yitiopia te b’anyelasoɛ, bɔ Misraim koso te b’anwohoahoa ne ati, bekosuro, na bɛ nyunu kogua ase.

Yesaya 23:5

Sɛ sɔ dwirɛ ne odwu Misraim a, bekoli bɔ wato Tiro ne nwo aworabɔlɛ.

Yesaya 47:8

Yiti afei tie sɔ dwirɛ ɛhe, wɔ bɔ ekuro anigye ɔ, bɔ wɔ so anu atɔ wɔ wɔ asetena nu ɔ, bɔ ɛkã ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ; mengɔyɛ kunaniɛ, yeɛ mengoli abawuo.’

Yeremia 49:21

B’asefinɛ nwo dede ne kɔma aseɛ kɔwoso, na awuye bɔ bɛbɔ ne, bɛkɔte ye wɔ Ɛpo Kɔkorɛ noa dɔ paa.

Yeremia 49:31

“Ɛ́mɔdwɔso, ɛ́mɔfa koɛ bɛɛtoa maen bɔ ye nwo atɔ ye, bɔ ɔte asomdwee nu, bɔ olle pambim mɔ anaa buralɛ bɔ ɔbeabea pambim mɔ si, maen bɔ ye ngome yeɛ ɔte berɛ ne, AWURADE noa dwirɛ ɛne.

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Hesekiel 26:16

Na afei, ɛpo so ahemvo amukoraa bekodwu ase bekofi b’ahennie bia so, bekopuropuro bɛ ndaadeɛ aguasoɛ, na bekodwa bɛ ndena bɔ bali adwii bagua nu ɔ bekogua berɛ. Ahunundetelɛ kɔtɔ bɛ so, bekopofo aseɛnwo, bɛ nwo kɔwoso bɛ mmerɛ biala, na ɔnate wɔ ti, bɛ nwo kodwiri bɛ.

Hesekiel 27:35

Na ɔnate wɔ ti, mboanoafoɛ amukoraa bɛ nwo dwiri bɛ; ɛserɛ kandinga kã b’ahemvo mɔ, na bɛ nyunu yɛ bosaa.

Hesekiel 33:33

Na sɛ sɔ dwirɛ ne ba nu a, yoo, ɔkɔwa nu koso amba, yeɛ afei bekonwu kyɛ ngɔmhyɛlɛniɛ bie ɔne bɛ baatena le ɔ.”

Hesekiel 38:11

na ekose kyɛ, ‘Ngootua maen bɔ fasue nne ye nguro mɔ nwo ne, ngɔɔfa koɛ ngɔtoa mmenia bɔ bɛte berɛ konn asomdwee nu ne, bɔ bɛ mukoraa bɛtete nguro bɔ fasue nne bɛ nwo ɔ nu, bɔ belle pambim anaa mmuralɛ bɔ ɔbrambram pambim si ɔ;

Hesekiel 39:6

Magɔgo ne bɛ bɔ bɛtete asomdwee nu wɔ supɔ nemɔ aso ne, ngɔsoma see maa ɔkɔhɔ bɛ so, na bekonwu kyɛ me ole AWURADE.

Amose 4:2

AWURADE Nyameɛ afa ye krongronyɛlɛ wata ndaen kyɛ, Ɛ́mɔtie, ngyẽa bie ɔba ɛmɔ so, bɔ bɛkɔfa buralɛ koateɛ bɛkɔhwe ɛmɔ bɛkɔhɔ, yeɛ bɛkɔfa koaa bɛkɔhwe ɛmɔ si ama mɔ bɛkɔhɔ.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Sefania 2:12

“Ɛmɔ, Yitiopiafoɛ, ɛmɔ koso, me ngrandɛ noa yeɛ ɛmɔkɔtotɔ ɔ.

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

1 Tɛsalonikafoɛ 5:2

Ofikyɛ ɛmɔ bɔbɔ ɛmɔse ye pefee kyɛ Awurade kyẽa ne kɔwa kyɛbɔ awueniɛ ba kɔngɔen ɔ.

Maenbulɛfoɛ 18:7

Mmienzua nnu ne toale b’ateetulɛ ne aso, na beedwuli Layise ne, benwuni kyɛ berɛ ama te berɛ asomdwee nu kyɛ Sidonfoɛ nemɔ ala, bɔ bɛndwene kyɛ edwirɛ tɛɛ bie kɔto bɛ ɔ. Né banya bɛ nwo tam bɔ hwee nhia bɛ ɔ. Afei koso né bembingye Sidonfoɛ koraa, yeɛ né bɛ ne Siriafoɛ koso belle hwee bɛnyɔ.