Hesekiel 30:2 - AHYERƐLƐ KRONGRON

² “Sona awa, hyɛ ngɔm ná se kyɛ, AWURADE Nyameɛ nwa nyoo: “Ɛ́mɔbɔ awuye! Ah, ɛ́mɔbɔ kyẽa ne nwo awuye!

Hesekiel 30:2 Iomraidhean Croise

Yesaya 13:6

Ɛ́mɔbɔ awuye, ofikyɛ AWURADE kyẽa ne apingye; kyẽa ne kɔwa, bɔ Tuminiɛ ne kɔfa kohũhũ mmenia ɔ!

Yesaya 14:31

O pambim, bɔ awuye; kuro piri, sũ serɛserɛ, O Filistia amukoraa, ma wɔ kunu tete wɔ! Ofikyɛ nwosina fi sorɔ dɔ ótu ba, na ye lɔen ne, ebiala ngɔte ye nwo ngɔha nziɛ.

Yesaya 15:2

Dibɔn awa brasua ne afo ahɔ asɔneyɛɛ sua nemɔ anu kyɛ ɔkwaasu, Moabo bɔ awuye wɔ Nebo ne Medeba, bɛ mukoraa babɔ tikwa, ebiala apoa ye kanza;

Yesaya 16:7

Yiti ma Moabo osũ Moabo, ma ebiala osũ, Kire Haresete bobe mmaa taterɛ ne ati, ɛ́mɔbɔ awuye paa.

Yesaya 23:1

Tiro nwo nyekyire ɛhe: O, Tasise ɛlɛen mɔ, ɛ́mɔbɔ awuye, ofikyɛ Tiro abɔ, bɔ sua ko po wanga ɔ, yeɛ ɛlɛen agyinaleɛ koso wanga. Ngraa ne fi Kitim aseɛ so yeɛ waadwu bɛ berɛ ɔ.

Yesaya 23:6

O mboanoafoɛ, ɛ́mɔpɛ nu bɛhɔ Tasise! Ɛ́mɔbɔ awuye!

Yesaya 65:14

Ɛ́mɔtie, me somvoɛ mɔ bɛkɔto anigye dwein wɔ b’ahone nu, nakoso ɛmɔ de, ɛmɔkosu bekoli yealɛ wɔ ɛmɔ ahone nu, na ɛmɔkɔbɔ awuye bekoli aworabɔlɛ.

Yeremia 4:8

Ɔnate ɛhe ati, ɛ́mɔhera ɛsɛen tena, ɛ́mɔbɔ awuye ná ɛmɔsu: ofikyɛ AWURADE yaa kandinga bɔ wafɛ ye yɛ so ne, ye ahone ɔttɔle nzue nu.”

Yeremia 47:2

“AWURADE nwa nyoo: Tie, nzue ma ye nwo so fi sorɔ dɔ, na ɔkɔyɛ asue bɔ oyi bu fa so ɔ; na okobu kɔfa aseɛ ne aso nningyein amukoraa so, kuro ne, ɔne nu ama. Mmenia kɔteatea nu, na aseɛ ne aso ama amukoraa bɛkɔbɔ awuye.

Hesekiel 21:12

Sona awa, sũ ná bɔ awuye, ofikyɛ sɔ dwirɛ ne kɔto me maen; ɔkɔto Yisrael mbanyi amukoraa; mafa bɛ ne me maen mawura ngrandɛ sa, yiti fa wɔ sa gua w’ahone so di aworabɔlɛ.

Hesekiel 30:1

Yeɛ AWURADE lale ye dwirɛ ali hyirele me bieku kyɛ,

Yoel 1:11

Ɛmɔ, akuafoɛ, ɛ́mɔma ɔyɛ ɛmɔ fɛre, ɛmɔ, bobe boo so neafoɛ, ayuo ne atokoɔ ti odi kyɛ ɛmɔbɔ awuye, ofikyɛ fieso aleɛ mɔ asɛkye.

Yoel 1:5

Ɛmɔ, akɔnomnzafoɛ, ɛ́mɔdwɔso ná ɛmɔsu, ɛmɔ amukoraa bɔ ɛmɔno nzaa ɔ, ɛ́mɔbɔ awuye, ɔnate nzaa foforɛ ne ati, ofikyɛ batu bafi ɛmɔ noa.

Sefania 1:11

Ɛ́mɔbɔ awuye, ɛmɔ bɔ ɛmɔtete nekaa bɔ bɛfrɛ berɛ Mɔɔta ɔ, ofikyɛ banua dwadifoɛ nemɔ amukoraa bɛ boso, banua bɛ bɔ bɛkari ɛdwetɛ ne amukoraa bɛ boso.

Sakaria 11:2

Wɔ, ɛframmire, bɔ awuye, ofikyɛ sida atutu atɔ ase, ofikyɛ animnyam mmakaa nemɔ basɛkye. Basan eluii mɔ, ɛ́mɔbɔ awuye, ofikyɛ babu ɛhɔayeɛ too ne bagua.

Yakobo 5:1

Afei ɛmɔ, esikafoɛ, ɔnate amaneɛ bɔ ɔ́ba ɛmɔ so ne ati, ɛ́mɔsu ná ɛ́mɔbɔ awuye!

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”