Hesekiel 30:12 - AHYERƐLƐ KRONGRON

¹² Ngɔma asue Naele nu nzue kɔwewe, na ngɔyɛ aseɛ ne atɔen ngɔma nzɛmmɔnefoɛ. Ngɔfa ɛwɔfoɛ mɔ so ngɔsɛkye aseɛ ne ɔne so nningyein pasaa; me, AWURADE, yeɛ mahã ɔ.

Hesekiel 30:12 Iomraidhean Croise

Yesaya 44:27

Me yeɛ mekã mekyire buma kyɛ, ‘Wewe, ngɔma w’asue mɔ kɔwewe’.

Yeremia 50:38

Wawa ape b’asue mɔ aso, na bɛkɔwewe, ofikyɛ ɔte aseɛ bɔ amoen mɔ bayi so to, na babobɔ bɛ mmosoen mɔ nwo laen.

Yeremia 51:36

Yiti AWURADE nwa nyoo: “Tie, ngoli wɔ dwirɛ ngɔma wɔ, ná matɔ ye so wereɛ mama wɔ. Ngɔma ye ɛpo ne kɔwewe, ná mama ye asue mɔ bawewe.

Hesekiel 28:10

Ekowu mmenia bɔ bɛmbɛ bɛ bienzua ɔ bɛ wue, wɔ ɛwɔfoɛ mɔ bɛ sa nu; ofikyɛ me yeɛ mahã ɔ, AWURADE Nyameɛ noa dwirɛ ɛne.”

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Hesekiel 31:12

Na ɛwɔfoɛ mɔ, bɔ bɛte maen maen mɔ nufoɛ atianuserɛfoɛ paa ne, bebuli ye bɛtole, na bɛyakyili ye berɛ. Ye mmaen guale mmokaa so ne bɔnza mukoraa nu. Yeɛ ye mmaen frɔmfrɔm ne bubu guale aseɛ so asue mukoraa noa; na aseɛ so maen mukoraa befili ye bo fɔnwoo ne anu, na bɛhɔ bɛyakyili ye berɛ.

Nahum 1:4

Ɔkã ɛpo nyunu, na ɔmaa ɔwewe, ɔwewe asue amukoraa; Basan ne Kamɛl kese, na Lebanon nyerɛen twindwam.

1 Korintofoɛ 10:26

Ofikyɛ “Aseɛ ne bɔ ɔwɔ so amukoraa te Awurade deɛ.”

Nyekyire 16:12

Na abɔfo bɔ ɔtɔ so nzia ne hwiele bɔ ɔwɔ ye kulie ne anu guale asue piri Yufreti nu, na nu nzue ne wewele, kyɛbɔ okosiesie atee kɔto berɛ kɔma ahemvo mɔ bɔ befi eyia afiteleɛ dɔ ɔ.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.