Hesekiel 3:26 - AHYERƐLƐ KRONGRON

²⁶ Ngɔma wɔ temverema kɔmata wɔ nnaalɔ, na ɛkɔtɔ mumu bɔ ɛngɔhora bɛ nyunu twi ɔ, ofikyɛ bɛte abusua bɔ bayɛ lɔen ɔ.

Hesekiel 3:26 Iomraidhean Croise

Edwein 137:6

Sɛ mangaye wɔ a, ma me temverema ɔmata me nnaalɔ, sɛ manguro Yerusalem dwirɛ mandra nikyee biala bɔ ɔma me anigye paa hɔ a!

Edwein 51:15

Ao AWURADE, bukye me noa, na ngɔfa me noa ngɔbɔ dawure ngɔye wɔ ayɛ.

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Hesekiel 12:2

“Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Hesekiel 12:3

Yiti wɔ, sona wa, bɔ wɔ nningyein borɛ kyɛ sona bɔ bahye ye nnure ɔ, tu fi berɛ kɔ eyia bɔ bɛ nye tua ɔ; yɛ kyɛ sona bɔ bahye wɔ nnure ɔ, ná tu fi nekaa bɔ ɛte ne kɔ nekaa foforɛ bɔ bɛ nye tua ɔ. Bɛte abusua bɔ bayɛ lɔen ɔ, nakoso ebiaa bɛkɔte ye bo.

Hesekiel 24:27

Sɔ kyẽa ne, ɛkɔhora dwudwo, ekodwudwo kohyire bɔ wanya ye ti wadidi nu ne, ekodwudwo, na ɛngɔtɔ mumu ko. Ekogyina berɛ kɔma bɛ kyɛ sɛngyerɛnneɛ, na bekonwu kyɛ me ole AWURADE.”

Hesekiel 33:22

Na AWURADE tumi wale me so nɔsoa ne koraka yeɛ biaa bɔ wanwati ne ɔbaawa ɔ. Na anzana biaa ne ɔbaawa me berɛ ngyerɛmɔ nen, né AWURADE ate me noa ne, yiti ɔtele me noa ne, na mandɔ mumu ko.

Daniel 10:15

Na ɔhane sɔ dwirɛ ne hyirele me nen, mvale me nyunu mutuli berɛ, na ndɔle mumu.

Hosea 4:17

Efraim afa ye nwo wabɔ mmosoen, yiti po ye bra ma ye.

Hosea 4:4

Nakoso nnɛma ebiala odwudwodwudwo, anaa ofu obiɛngo: ofikyɛ wɔ maen te kyɛ mmenia bɔ bɛ ne ɔsɔfo banya dwudwolɛ ɔ.

Amose 5:10

Bekyi bɔ ɔtengyɛtengyɛ mmenia wɔ nekaa bɔ bedi dwirɛ ɔ, bɛpɔ bɔ ɔkã nahorɛ ɔ.