Hesekiel 3:23 - AHYERƐLƐ KRONGRON

²³ Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.

Hesekiel 3:23 Iomraidhean Croise

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Hesekiel 10:18

Yeɛ AWURADE animnyam ne fili awuro n’anoa nu berɛ oogyinane kɛrubim nemɔ so anwuro.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hesekiel 44:4

Afei ɔfale me fale sorɔ dɔ anoa piri atee ne aso wale awuro ne anyunu berɛ, na nneane, na yieee, AWURADE animnyam ne yili AWURADE awuro berɛ tɛkyɛ, na mvale me nyunu mutuli berɛ.

Hesekiel 8:4

Na yieee! Né Yisrael Nyameɛ ye animnyam ne wɔ berɛ, bɔ ɔte kyɛ nyekyire bɔ nwuni ye bɔnza ne anu ne ala ɔ.

Hesekiel 9:3

Na Yisrael Nyameɛ animnyam ne fili kɛrubim bɔ ɔwɔ so ne aso wale asɔneyɛɛ sua anoa ne anyunu berɛ, na ɔfrɛle biaa bɔ ɔhera nwera, bɔ wafa nikyee bɔ bɛfa bɛkyerɛ ɔ wasĩ ne.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Numeri 16:19

Yeɛ Kora boaboale maen ne amukoraa noa maa begyinane Mose ne Aarɔn bɛ ndendeneɛ so wɔ ɛtena sua atenaleɛ anoa nu berɛ. Na AWURADE animnyam yele ye nwo ali hyirele maen ne amu.

Numeri 16:42

Na maen ne yɛle bɛ nwo lɔen beyiele nen, Mose ne Aarɔn kakyili bɛ nye behyirele ɛtena sua atenaleɛ ne. Né munungum ne amundu so, na né AWURADE animnyam aye ye nwo ali.

Asomafoɛ 7:55

Nakoso né Sunzum Krongron ahyɛ Setefano ma, ɔtole ye nye neane nyameɛso, na onwuni Nyameɛ animnyam ne, ɔne Yesu kyɛ ogyi Nyameɛ sa famaa so.

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 5:14

Na abɔdeɛ ateasefoɛ nna nemɔ sele kyɛ, “Amen.” Yeɛ mbanyi nemɔ bɛfale bɛ nyunu bebutubutuli berɛ bɛsɔnene [bɔ ɔte ase afebɔɔ ne].

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.