Hesekiel 3:21 - AHYERƐLƐ KRONGRON

²¹ Nakoso sɛ ɛbɔ teneneeniɛ kɔkɔ kyɛ nnɛmaa ɔyɔ bɔne, ná wanyɔ bɔne a, ye de okonya ngoa amba, ofikyɛ otiele kɔkɔbɔlɛ ne, na wɔ wora apepɛ ale wɔ kra.”

Hesekiel 3:21 Iomraidhean Croise

Edwein 19:11

Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Anyandera 17:10

Sɛ etwi badwemma nyunu a, ɔkɔ ye nu tra kyɛ ekofi kwaseaa mbire ɛyaa ɔ.

Anyandera 9:9

Tu nworɛniɛ foɛ, na ɔkɔhɔ so konwu nworɛ; yeɛ kyirekyire teneneeniɛ nikye, na ɔkɔhɔ so konya nimdeɛ.

Hesekiel 33:9

Nakoso sɛ ɛbɔ bɔnefoɛ ne kɔkɔ kyɛ ɔyakyi ye yɔleɛ, ná wanyakyi ye yɔleɛ a, ye amumuyɛɛ nu yeɛ okowu ɔ, nakoso wɔ de, ekonya ngoa kɔma wɔ kra.

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

1 Korintofoɛ 10:12

Yiti ma ebiala bɔ ɔdwene kyɛ ogyi berɛ ne ɔ́nea yé ná wamvi ase.

1 Korintofoɛ 4:14

Mengyerɛ ɛhe memma ngua ɛmɔ nyunu ase, nakoso mefa metu ɛmɔ foɛ kyɛ me mma bɔ mekuro ɛmɔ dwirɛ ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

Tito 2:15

Fa tumi amukoraa kã ɛhemɔ, tu ye nwo foɛ, ná twi bɛ nyunu. Nnɛma ebiala fa wɔ nyunu twitwi ase.

Yakobo 5:20

ɛ́mɔkaye kyɛ, ebiala bɔ ɔkɔfa bɔnefoɛ kofi ye makyebu atee so kosa kɔwa ne, okole ye kra kofi ewue nu, na ɔkɔkata bɔne pee so.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.