Hesekiel 3:19 - AHYERƐLƐ KRONGRON

¹⁹ Nakoso sɛ ɛbɔ bɔnefoɛ ne kɔkɔ, ná mmom wandwe ye nwo wamvi ye bɔne nwo, anaa ye amumuyɛɛ nwo a, ye de okowu ye amumuyɛɛ nu, nakoso wɔ de, apepɛ ale wɔ kra.

Hesekiel 3:19 Iomraidhean Croise

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Hesekiel 14:14

ná sɛ sɔ mmenia nza hemɔ: Nowa, Daniel ne Yob po bɛwɔ nu a, bɛ tenenee yeɛ okole bɛ bɔbɔ bɛ kra ɔ, AWURADE Nyameɛ noa dwirɛ ɛne.

Hesekiel 14:20

sɛ Nowa ne Daniel ne Yob po bɛwɔ so a, kyɛ nde ase ye de, AWURADE Nyameɛ noa dwirɛ ɛne, bengole mmaa mmienzua anaa mmaa mmrasua ngoa; nakoso bɛ bɔbɔ de, bɛ tenenee yeɛ okole bɛ ngoa ɔ.

Hesekiel 3:18

Sɛ mekã mekyire bɔnefoɛ kyɛ, ‘Ewue yeɛ ekowu ɔ,’ ná ammɔ ye kɔkɔ, anaa anga angyire bɔnefoɛ ne maa wandwe ye nwo wamvi ye bɔne nwo, amaa ɔnate so wannya ngoa a, ye de sɔ bɔnefoɛ ne kowu ye amumuyɛɛ nu de; nakoso ye mogya de, wɔ berɛ yeɛ ngobisa ngofi ɔ.

Hesekiel 3:21

Nakoso sɛ ɛbɔ teneneeniɛ kɔkɔ kyɛ nnɛmaa ɔyɔ bɔne, ná wanyɔ bɔne a, ye de okonya ngoa amba, ofikyɛ otiele kɔkɔbɔlɛ ne, na wɔ wora apepɛ ale wɔ kra.”

Hesekiel 33:3

ná sɛ onwu ngrandɛ ne kyɛ ɔba maen ne aso, ná ohu totorobɛndo fa bɔ maen ne kɔkɔ a;

Hesekiel 33:5

Ɔtele totorobɛndo hulɛ ne, nakoso wamva kɔkɔbɔlɛ ne wanyɛ huu; ye mogya kɔbɔ ye bɔbɔ ye ti so. Nakoso ebiala bɔ otie kɔkɔbɔlɛ ne, onya ngoa ma ye kra.

Hesekiel 33:9

Nakoso sɛ ɛbɔ bɔnefoɛ ne kɔkɔ kyɛ ɔyakyi ye yɔleɛ, ná wanyakyi ye yɔleɛ a, ye amumuyɛɛ nu yeɛ okowu ɔ, nakoso wɔ de, ekonya ngoa kɔma wɔ kra.

Asomafoɛ 20:26

Ɛhe ati ɛnɛ kyẽa ye mekã mekyire ɛmɔ kyɛ, menni ɛmɔ nu biala mogya nwo fɔ;

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?