Hesekiel 3:18 - AHYERƐLƐ KRONGRON

¹⁸ Sɛ mekã mekyire bɔnefoɛ kyɛ, ‘Ewue yeɛ ekowu ɔ,’ ná ammɔ ye kɔkɔ, anaa anga angyire bɔnefoɛ ne maa wandwe ye nwo wamvi ye bɔne nwo, amaa ɔnate so wannya ngoa a, ye de sɔ bɔnefoɛ ne kowu ye amumuyɛɛ nu de; nakoso ye mogya de, wɔ berɛ yeɛ ngobisa ngofi ɔ.

Hesekiel 3:18 Iomraidhean Croise

Gyenesise 2:17

nakoso paa ne bɔne nwo nimdeɛ bakaa ne de, nnɛdi bie, ofikyɛ kyẽa bɔ ekoli bie ne, ewue yeɛ ekowu ɔ.”

Gyenesise 42:22

Na Ruben sele bɛ kyɛ, “Manga mangyerɛ ɛmɔ kyɛ nnɛma ɛmɔyɔ abɛɛmaa ne tɛɛ biala? Nakoso ɛmɔandɛ me so. Yiti kekesaala ye, ye mogya nwo akatuaa yeɛ yɛnya ye ye.”

2 Samuel 4:11

Na sɛ nzɛmmɔnefoɛ ahu sona bɔ ɔtengyɛ, wɔ ye bɔbɔ ye awuro, wɔ ye mba so a, ye de ngotua bɛ so kerɛ piri paa! Ɔnate ehunɛ bɔ ɛmɔahu ye ne ati, ngotua ɛmɔ so kerɛ, na ngɔye ɛmɔ ngofi aseɛ ye aso.”

2 Ahemvo 1:4

Yiti AWURADE nwa nyoo, ‘Bɛen bɔ anwonyerɛ ahã wɔ ato so ye, engofi so ndwɔso, na mmom ewue yeɛ ekowu ɔ.’ ” Na Elia sili nu hɔle.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 18:20

Ɛkra biala bɔ ɔyɔ bɔne ne, ye yeɛ okowu ɔ. Baa ngonya ye baba amumuyɛɛ nwo asohwenɛ, yeɛ baba ngonya ɔwa amumuyɛɛ nwo asohwenɛ. Sona bɔ ɔtengyɛ ne, okonya ye tengyɛlɛ nwo akatuaa, yeɛ bɔnefoɛ koso, okonya ye bɔne nwo akatuaa.

Hesekiel 18:4

Ɛ́mɔtie, mmenia mukoraa bɛ kra te me deɛ. Na kyɛbɔ baba kra te me deɛ ne, sɔ ala yeɛ baa kra koso ɔte me deɛ ɔ: ɛkra bɔ ɔyɔ bɔne ne, ye yeɛ okowu ɔ.

Hesekiel 3:20

Yeɛ sɛ teneneeniɛ odi ye tenenee nwo makyebu ɔkɔyɔ amumuyɛɛ, ná mefa sundidua meto ye atee nu a, okowu. Na ɔnate kyɛ ammɔ ye kɔkɔ ne ati, okowu ye bɔne nu, na bɛngɔkaye ye tenenee bra bɔ ɔbɔle ne; nakoso ye mogya de, wɔ berɛ yeɛ ngobisa ngofi ɔ.

Hesekiel 33:12

“Na wɔ, Sona awa, se wɔ maen mmaa kyɛ: Kyẽa bɔ teneneeniɛ kɔto mmeraa ne, ye tenenee ngɔpepɛ ngole ye; yeɛ kyẽa bɔ bɔnefoɛ kɔkakyi ye si kɔma ye bɔne yɔleɛ ne, ye bɔne yɔleɛ ne ngɔfa ye ngɔhɔ ewue nu. Yeɛ kyẽa bɔ teneneeniɛ kɔyɔ bɔne ne, ɔngɔhora ngogyina ye tenenee so ngonya ngoa.

Hesekiel 33:6

Nakoso sɛ wɛmvoɛ ne onwu ngrandɛ ne kyɛ ɔba, ná wanhu totorobɛndo ne wamva wammɔ maen ne kɔkɔ, ná ngrandɛ ne ba ɔbaku bɛ nu bie a, ye de sɔ sona ne, ye amumuyɛɛ nu yeɛ wawu ɔ; nakoso ye mogya de, wɛmvoɛ ne berɛ yeɛ ngobisa ngofi ɔ.

Hesekiel 34:10

AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Numeri 26:65

Ofikyɛ né AWURADE aha afa bɛ nwo kyɛ, “Bekowuwu wɔ ɛserɛ ne aso.” Bɛ nu ko po anga, sana Yefune awa Kalebo ɔne Nun awa Yosua angome.

Luka 13:3

Mekã mekyire ɛmɔ kyɛ, daabi. Nakoso sɛ ɛmɔanzakyera ɛmɔ adwene a, sɔ ala yeɛ ɛmɔ amukoraa ɛmɔkowu ɔ.

Luka 13:5

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Yohane 8:21

Na Yesu sele bɛ bieku kyɛ, “Me de, mékɔ, na ɛmɔkɔpena me, na ɛmɔkowu ɛmɔ bɔne nu; na nekaa bɔ mékɔ ne, ɛmɔngɔhora ngɔwa berɛ.”

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

1 Samuel 8:9

Wɔ de, de b’edwirɛ ne to nu; nakoso kanzo bɛ kitii, ná maa benwu atee horɛ bɔ ɛhene ne kɔfa so koli bɛ so ɔ.”