Hesekiel 3:17 - AHYERƐLƐ KRONGRON

¹⁷ “Sona awa, mafa wɔ mayɛ Yisrael awuro ama so wɛmvoɛ; yiti tie me noa dwirɛ, ná fa bɔ bɛ kɔkɔ ma me.

Hesekiel 3:17 Iomraidhean Croise

2 Aberɛso Dwirɛ 19:10

Ɛmɔ aliɛma mɔ bɔ bɛtete bɛ nguro nemɔ aso ne, sɛ bɛ nu biala fa edwirɛ ba ɛmɔ nyunu bɔ ɔfa awuelilɛ nwo, mmeraa anaa mmeraa dwirɛ, ahyɛdeɛ anaa nhyehyɛleɛ nwo a, odi kyɛ ɛmɔkyirekyire bɛ, amaa ɔnate so banni fɔ wɔ AWURADE nyunu maa ye yaafɛlɛ piri wamma ɛmɔ ne ɛmɔ aliɛma mɔ so. Ɛ́mɔyɔ sɔ, amaa ɛmɔanni fɔ.

Edwein Nu Dwein 3:3

Awɛmvoɛ bɔ bekyinikyini bɛwɛne kuro berɛ ne, beyiale me. “Aso ɛmɔanwu biaa bɔ me kra kuro ye ne?”

Edwein Nu Dwein 5:7

Awɛmvoɛ mɔ bɔ bekyinikyini bɛwɛne kuro berɛ ne, beyiale me, bedufudufuli me, bepurale me; na sɔ awɛmvoɛ mɔ bɔ bɛwɛne fasue ne, belele me ngatanyunu ne.

Yesaya 21:6

Ofikyɛ AWURADE sele me kyɛ, “Kɔ, ma wɛmvoɛ ogyina berɛ, bɔ okonwu ye ne, maa ɔbɔ ye dawure.

Yesaya 21:8

Na wɛmvoɛ ne teane nu kyɛ gyata, kyɛ, “O AWURADE, ngyi fasue ye aso mewɛne daa biala, alehyeleɛ biala, ngyi nekaa bɔ megyina mewɛne ne.

Yesaya 52:8

Tie! W’awɛmvoɛ nemɔ bɛma bɛ komvi so, bɛbɔ nu bɛto ahurusi dwein, ofikyɛ bɛ nye tua AWURADE kyɛ osa ba Sion ɔ.

Yesaya 56:10

Ye awɛmvoɛ nemɔ bɛ nye asi, bɛ mukoraa nimdeɛ abɔ bɛ, bɛ mukoraa bɛte ngyea mumu, bɛngora po, na laleɛhyenɛ, asefuo nu lalɛ ne nnaa yeɛ watɔ bɛ so ɔ.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yesaya 62:6

O Yerusalem, wɔ fasue nemɔ aso yeɛ mafa awɛmvoɛ magyinagyina ɔ; alehyeleɛ nu amukoraa ne alesaleɛ nu amukoraa bengomua bɛ noa. Ɛmɔ bɔ ɛmɔsu bɛfrɛ AWURADE ne, nnɛma ɛmɔyakyi bede bɛ nwome.

Yeremia 1:7

Nakoso AWURADE sele me kyɛ, “Nnɛkã kyɛ, ‘Nde akwadaa’, ofikyɛ bɛ bɔ ngɔsoma wɔ wɔ bɛ berɛ ne amukoraa, odi kyɛ ɛkɔ ɔ, na edwirɛ biala bɔ ngɔfa ngɔsoma wɔ ne, odi kyɛ ɛkã ɔ.

Yeremia 31:6

Ofikyɛ kyẽa bie kɔwa bɔ awɛmvoɛ mɔ bɛkɔtea nu wɔ Efraim mmokaa aseɛ so kyɛ, ‘Ɛ́mɔdwɔso oo! Ɛ́mɔma yɛfo yɛhɔ Sion, yɛhɔ AWURADE yɛ Nyameɛ berɛ.’ ”

Yeremia 6:10

Nwa yeɛ ndwudwo ngyire ye mmɔ ye kɔkɔ maa otie ɔ? Nea, batuatua bɛ so, bɛngora bɛnde dwirɛ. Nea, AWURADE dwirɛ ne te ngorohoɛ dwirɛ ma bɛ; bɛ nye ngye ye nwo.

Yeremia 6:17

Asa koso, nyeyele awɛmvoɛ kyɛ bɛbɔ ɛmɔ kɔkɔ kyɛ, ‘Ɛ́mɔtie totorobɛndo ne hulɛ ne!’ Nakoso bɛnwa, ‘Yɛngotie.’

Hesekiel 11:25

Na ngane bɔ AWURADE ye hyirele me ne amukoraa ngyirele bɛ bɔ bahye bɛ nnure ne.

Hesekiel 11:4

Yiti hyɛ ngɔm tia bɛ, O Sona awa, hyɛ ngɔm.”

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Habakuku 2:1

Ngogyina m’apa bɔ megyina so mesra ne aso, ná magyina ndende wɔ abandenden ne aso. Ngɔwɛne ngɔnea bɔ ɔkɔhã kohyire me ɔ, ɔne mmuayɛɛ bɔ ɔkɔfa kɔma me wɔ m’adwobisa ne anwo ɔ.

Hagae 1:13

Yeɛ Hagae bɔ ɔte AWURADE bɔfoɛ ne, ɔhane AWURADE ngraa ne hyirele maen ne kyɛ, “Ngyi ɛmɔ si, AWURADE noa dwirɛ ɛne.”

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 4:14

Mengyerɛ ɛhe memma ngua ɛmɔ nyunu ase, nakoso mefa metu ɛmɔ foɛ kyɛ me mma bɔ mekuro ɛmɔ dwirɛ ɔ.

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.