Hesekiel 3:15 - AHYERƐLƐ KRONGRON

¹⁵ Yeɛ bɛ bɔ bahye bɛ nnure bahɔ bɔ bɛwɔ Tel Abibo, bɔ bɛtete asue Kebare noa ne, mmale bɛ berɛ. Ndenane nekaa bɔ bɛte ne ɛlɛsoo, na me nwo dwirili me.

Hesekiel 3:15 Iomraidhean Croise

Gyenesise 50:10

Beedwuli nekaa bɔ bɛboro aburoo wɔ Atade bɔ ɔwɔ asue Yɔɔdan asi dɔ ne, bɛbɔle awuye serɛserɛ bɔ ɔyɛ aworabɔ paa ɔ; na Yosef yɔle ɔse sɛen ɛlɛsoo.

YOB NWOMAA NE 2:13

Bɛ ne ye tenatenane asefuo nu berɛ ɛlɛsoo, eyia ne kɔngɔen. Na bɛ nu biala ne ye andwudwo, ofikyɛ benwuni kyɛ né onwu amaneɛ paa.

Edwein 137:1

Babilɔn asue mɔ noa, berɛ yeɛ yɛtenane ase yɛsuni ɔ, mmerɛ bɔ yɛkayele Sion ɔ.

Yeremia 23:9

Ɔnate me ngɔmhyɛlɛfoɛ nemɔ ati, m’adwene ayɛ me basaa wɔ me nu, me mmowue nu amukoraa wosowoso me. Mayɛ kyɛ akɔnomnzaniɛ, kyɛ ebie bɔ nzaa abia ye ɔ, ɔnate AWURADE ɔne ye dwirɛ krongron ne ati.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 1:3

AWURADE lale ye dwirɛ ali hyirele ɔsɔfo Hesekiel bɔ ye baba ole Busi ne wɔ Kaldeafoɛ aseɛ so wɔ asue Kebare noa; na berɛ yeɛ AWURADE tumi wale ye so ɔ.

Hesekiel 10:15

Afei kɛrubim nemɔ pagyapagyale bɛ nwo so. Ɛhemɔ yeɛ nwuni bɛ wɔ asue Kebare noa ne.

Hesekiel 3:23

Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.