Hesekiel 3:13 - AHYERƐLƐ KRONGRON

¹³ Na dede bɔ abɔdeɛ ateasefoɛ nemɔ bɛ ndaa bɔ otwitwi ye nwo ne ɔyɔ ne, ndele; yeɛ ndele bɛ nwo kango nemɔ bɛ dede ne, ɔne dede bɔ ɔma aseɛ woso ne.

Hesekiel 3:13 Iomraidhean Croise

2 Samuel 5:24

Sɛ ɛte mmenia gya boso nga wɔ basam mmakaa nemɔ aso a, ye de kɔ Filistifoɛ so. Na ɛhe kyire kyɛ AWURADE ali wɔ nyunu moa okũkũ Filisti koɛhonɛfoɛ nemɔ.”

1 Ahemvo 7:30

Né nyinasoɛ biala le kɔɔbere agyirɛ nna ne kɔɔbere tɔkorɔ bɔ owurawura nu ɔ. Ye ndweasoɛ nna ne, né bele nyinasoɛ bɔ bɛfa ayaa besie so, bɔ bali abotire adwii bagua bɛ nu biala ngyɛnu ɔ.

Hesekiel 1:15

Na ngu so menea abɔdeɛ ateasefoɛ nemɔ nen, nwuni kango ko wɔ aseɛ so, bɔ ye nyunu nna ɔ, wɔ abɔdeɛ ateasefoɛ nemɔ nwo berɛ.

Hesekiel 1:24

Na bɛkɔ ne, ndele dede bɔ bɛ ndaa nemɔ yɔle ne, na né ɔte kyɛ asue mbiri bɔ bɛsẽ wuruwuru ɔ, kyɛ Tuminiɛ ne bɔ ɔbɔ nu kurudududu ɔ, kyɛ koɛhonɛfoɛ bɔ bɛbɔ ese ɔ. Na sɛ begyina a, né bahã bɛ ndaa ne ase.

Hesekiel 10:5

Na dede bɔ kɛrubim nemɔ bɛ ndaa ne yɔle ne, né ɛte alaa kodwu bondua dɔ, bɔ ɔte kyɛ Tuminiɛ Nyameɛ ye komvi bɔ odwudwo ɔ.