Hesekiel 3:11 - AHYERƐLƐ KRONGRON

¹¹ Si nu kɔ mmenia bɔ bahye bɛ nnure bahɔ ne berɛ, wɔ maen mmaa nemɔ berɛ kɔhã kyire bɛ. Sɛ betie oo, sɛ bandie oo, kã kyire bɛ kyɛ, ‘Bɔ AWURADE Nyameɛ kã hɔ ɛhe.’ ”

Hesekiel 3:11 Iomraidhean Croise

Ɛksadɔso 32:7

Na AWURADE sele Mose kyɛ, “Dwu kɔ aseɛnwo dɔ, ofikyɛ wɔ mmenia bɔ ɛɛyele bɛ fili Misraim aseɛ so wale ne, babɔ musue.

Yeremia 29:20

Na afei, ɛmɔ bɔ bahye ɛmɔ nnure amukoraa, bɔ maye ɛmɔ mafi Yerusalem mahɔ Babilɔn ne, ɛ́mɔtie AWURADE dwirɛ.

Hesekiel 2:4

Ofikyɛ bɛte aniammɔwoho ne asoserɛfoɛ mmenia, na mésoma wɔ bɛ berɛ maa ekose bɛ kyɛ, ‘Bɔ AWURADE Nyameɛ ɔkã hɔ ɛhe oo.’

Hesekiel 2:5

Na sɛ betie oo, sɛ bandie oo, (ofikyɛ bɛte abusua bɔ bayɛ lɔen ɔ), kyɛbɔ ɔkɔyɛ biala, bekonwu kyɛ ngɔmhyɛlɛniɛ wɔ bɛ nu.

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Hesekiel 20:27

“Yiti, Sona awa, dwudwo kyire Yisrael awuro ama, ná se bɛ kyɛ, ‘AWURADE Nyameɛ nwa nyoo: Sɔ atee he aso koso yeɛ ɛmɔ nana mɔ bɛfa betiatiale me ɔ, ofikyɛ banni nahorɛ bamma me.

Hesekiel 3:10

Na osa sele me kyɛ, “Sona awa, me dwirɛ amukoraa bɔ mebaahã mekyire wɔ ne, fa wɔ so tie ná ma ɔhɔ wɔ ti anu.

Hesekiel 3:12

Yeɛ Sunzum ne mane me so, na ndele komviɛ bie bɔ ɔma aseɛ woso ɔ wɔ me si dɔ kyɛ, “Asennaa te AWURADE animnyam ne deɛ wɔ ye atenaleɛ berɛ!”

Hesekiel 3:15

Yeɛ bɛ bɔ bahye bɛ nnure bahɔ bɔ bɛwɔ Tel Abibo, bɔ bɛtete asue Kebare noa ne, mmale bɛ berɛ. Ndenane nekaa bɔ bɛte ne ɛlɛsoo, na me nwo dwirili me.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Hesekiel 33:12

“Na wɔ, Sona awa, se wɔ maen mmaa kyɛ: Kyẽa bɔ teneneeniɛ kɔto mmeraa ne, ye tenenee ngɔpepɛ ngole ye; yeɛ kyẽa bɔ bɔnefoɛ kɔkakyi ye si kɔma ye bɔne yɔleɛ ne, ye bɔne yɔleɛ ne ngɔfa ye ngɔhɔ ewue nu. Yeɛ kyẽa bɔ teneneeniɛ kɔyɔ bɔne ne, ɔngɔhora ngogyina ye tenenee so ngonya ngoa.

Hesekiel 33:17

“Nakoso wɔ maen mmaa nwa, ‘AWURADE atee ndengyɛ’; wɔ aberɛ bɔ b’atee mmom yeɛ ɔndengyɛ ɔ.

Hesekiel 33:2

“Sona awa, dwudwo kyire wɔ maen mmaa, ná se bɛ kyɛ, Sɛ mefa ngrandɛ meba maen bie aso, ná sɛ maen ne anu ama bɛye bɛ nu bienzua ko bɛfa ye bɛyɛ wɛmvoɛ;

Hesekiel 33:30

“Na wɔ Sona awa, wɔ maen mmaa nemɔ bɛkekã edwirɛ bɛfa wɔ nwo, bɛkekã ye wɔ fasue nemɔ anwo ne awuro nemɔ anoa nu. Bɛkekã bekyirekyire bɛ nwo ne b’eliɛma mɔ kyɛ, ‘Ɛmɔbra beetie edwirɛ bɔ ofi AWURADE noa ne oo!’

Hesekiel 37:18

Na sɛ wɔ maen mmaa bebisa wɔ kyɛ, ‘Edwirɛ bɔ ɛfa sɔ nningyein nemɔ kã ne, aso engohyire yɛ ye bo hɔ ɔ?’ a,

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 6:13

Yeɛ besele ɛhene ne kyɛ, “Sɔ Daniel ne, bɔ ɔte mmenia bɔ bɛhyele bɛ nnure befili Yuda nemɔ anu ko ne, Nana, ommu wɔ, yeɛ ɔmva mmeraa bɔ wɔ sa wura ye bo ne nyɛ huu, na mmom ɛlɛho biala ɔbɔ ye mbaeɛ ne pɛen nza.”

Deuteronomi 9:12

Afei AWURADE sele me kyɛ, ‘Dwɔso ná fi wa dwu kɔ aseɛnwo dɔ ndɛndɛ, ofikyɛ wɔ mmenia bɔ ɛɛyele bɛ fili Misraim wale ne babɔ musue. Edwirɛ bɔ nhyɛle bɛ kyɛ beli so ne, bali ye nwo makyebu ndɛndɛ so; na bahuro nikyee bayɔ amoen baso ye.’