Hesekiel 28:3 - AHYERƐLƐ KRONGRON

³ kyɛ ɛse nworɛ tra Daniel, mvealeɛ nu dwirɛ biala mvea wɔ,

Hesekiel 28:3 Iomraidhean Croise

1 Ahemvo 10:3

Solomon yele ye adwobisa ne amukoraati noa; edwirɛ biala nne berɛ bɔ Nana solomon wangora wangyirekyire nu wangyire ye ɔ.

YOB NWOMAA NE 15:8

Nyameɛ mvealeɛ nu nhyehyɛleɛ ne, atie nu dwirɛ? Wɔ ngome yeɛ ɛse nworɛ ɔ?

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Hesekiel 14:14

ná sɛ sɔ mmenia nza hemɔ: Nowa, Daniel ne Yob po bɛwɔ nu a, bɛ tenenee yeɛ okole bɛ bɔbɔ bɛ kra ɔ, AWURADE Nyameɛ noa dwirɛ ɛne.

Hesekiel 28:15

Né mvomsoɛ biala nne wɔ nwo, ofi kyẽa bɔ bɛbɔle wɔ ɔ maa oodwuli kyɛ benwuni amumuyɛɛ wɔ wɔ nu ɔ.

Daniel 1:20

Na nworɛ dwirɛ ne edwirɛ bɔ ɔkye adwene biala bɔ Nana bisale bɛ ne, onwuni kyɛ bɛ mmuayɛɛ ne, ɔbo ngonyaayelɛfoɛ ne bɛ bɔ bɛnea nzramaa nu bɛkã nu dwirɛ amukoraa, bɔ bɛwɔ ye ahennie ne amukoraa nu ɔ bɛ deɛ so pɛen buru.

Daniel 1:6

Bɛ nu biemɔ ole: Daniel, Hanania, Misael ne Asaria bɔ befi Yuda abusua kure nu ɔ.

Daniel 2:20

Na Daniel sele kyɛ, “Animnyam hã Nyameɛ dumaa afebɔɔ, ofikyɛ ye yeɛ nworɛ ne tumi te ye deɛ ɔ.

Daniel 2:22

ɔda edwirɛ bɔ nu pi ɔ, ɔne mvealeɛ nu dwirɛ ali, ɔse bɔ ɔwɔ awosii nu ɔ, na kanea ne ye yeɛ bɛte ɔ.

Daniel 4:9

“O Beltesasa, ngonyaayelɛfoɛ panyi, mese kyɛ nyameɛ krongron mɔ bɛ sunzum wɔ wɔ nu, yeɛ mvealeɛ nu dwirɛ biala mmo w’adwene so, yiti kã me laleɛ bɔ ngyene ne kyire me, ná kyire me ye bo.