Hesekiel 28:2 - AHYERƐLƐ KRONGRON

² “Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 28:2 Iomraidhean Croise

Gyenesise 3:5

Ofikyɛ Nyameɛ se kyɛ kyẽa bɔ ɛmɔkoli bie ne, ɛmɔ nye kobukye, na ɛmɔkɔyɛ kyɛ Nyameɛ ala, na ɛmɔanwu paa ne bɔne.”

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

Edwein 9:20

Ao AWURADE, ma ɛserɛ tɔ bɛ so; ma maen maen benwu kyɛ bɛte adasa mmaa mbaen. Sela

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 18:12

Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Yesaya 23:8

Tiro bɔ osi ɛhene mɔ, bɔ ye dwadifoɛ te nnehyeɛ, bɔ ye dwadifoɛ te mmeni titire wɔ wiase ɔ, nwa yeɛ ɔyɔle sɔ nhyehyɛleɛ ne tiale wɔ ye?

Yesaya 31:3

Misraimfoɛ bɛte mmenia oo, na bɛtte Nyameɛ; bɛ mbɔngɔ nemɔ bɛte anwoɔnaen, na bɛtte sunzum. Sɛ AWURADE tengyɛ ye sa a, bokafoɛ ne kosoti, yeɛ bɔ bokafoɛ ne boka ye ne koso, okofi ase, na bɛ mukoraa bekowu bɛkɔbɔ nu.

Yesaya 47:8

Yiti afei tie sɔ dwirɛ ɛhe, wɔ bɔ ekuro anigye ɔ, bɔ wɔ so anu atɔ wɔ wɔ asetena nu ɔ, bɔ ɛkã ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ; mengɔyɛ kunaniɛ, yeɛ mengoli abawuo.’

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 26:17

Na bɛkɔbɔ wɔ nwo awuye bekose wɔ kyɛ, ‘O kuro piri bɔ ale dumaa ɔ, bɔ mmenia bɔ bɛkɔ ɛpo ɔ bɛɛtenane wɔ so ɔ, kuro bɔ né wɔ nwo yɛ se wɔ ɛpo so ɔ, ɛne wɔ nu ama, ɛmɔmane ɛmɔ nwo suronyi tɔle mmenia mukoraa bɔ bɛte berɛ ɔ so.

Hesekiel 28:1

Yeɛ AWURADE lale ye dwirɛ ali bieku hyirele me kyɛ,

Hesekiel 28:17

W’anwonyemene ti ɛyɛle anwomasoɛ, wɔ talɛ bɔ ɛta ti ɛsɛkyele wɔ nworɛ. Yiti mvindini wɔ ndole ase, nguale wɔ nyunu ase wɔ ahemvo mɔ bɛ nyunu, maa betuli bɛ nye beguale wɔ so.

Hesekiel 28:9

Aso ɛkɔhɔ so kɔhã kyɛ, ‘Nde Nyameɛ,’ wɔ bɛ bɔ beku wɔ ne anyunu? Ɛte sona, na mmom ɛtte Nyameɛ wɔ mmenia bɔ beku wɔ nemɔ bɛ sa nu.

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Hesekiel 29:9

Misraim aseɛ ne kɔkakyi kurofoen ne aseɛ pralaa, na bekonwu kyɛ me ole AWURADE. “Ɔnate kyɛ ɔnwa, ‘Asue Naele te me bɔbɔ me deɛ, na me bɔbɔ yeɛ nyɔle ɔ.’

Hesekiel 31:10

“Yiti AWURADE Nyameɛ nwa nyoo: Ɔnate kyɛ onyi yɛle tendenn, bɔ ye ti anwuro ɔɔhane munungum ne anu dɔ, ná ɔyɛle ye tendenn nwo anwomasoɛ ne ati,

Daniel 11:12

Na sɛ ɔkye ɛlɔen ne nnure ɔfa bɛ kɔ a, anwomasoɛ kɔwa ye nu, na okohũhũ mmenia apee buru pee, nakoso ongoli ngonim ngɔhyɛ.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 11:37

Ɔngɔfa ye nana mɔ nyameɛ nemɔ ngɔyɛ huu, ongobu bɔ mmrasua kuro ye dwirɛ ne, yeɛ ɔngɔfa nyameɛ foforɛ biala ngɔyɛ huu, ofikyɛ ɔkɔmoma ye nwo so kɔtra bɛ mukoraa.

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

Sakaria 9:2

Hamate bɔ ɔwɔ ɛwɛen so dɔ ne koso edwirɛ ne ko tia ye; Tiro ne Sidon koso sɔ ala, ɔwɔ nu kyɛ besusu kyɛ bɛse nworɛ.

Luka 14:9

Na bɔ ɔtole ye sa frɛle wɔ ne ye ne, ɔkɔwa koose wɔ kyɛ, ‘Fa wɔ bia ne ma ɛhe!’ Na afei ele ɛfɛrelɛ ɛkɔɔtena ahameɛ bia bie aso.

Deuteronomi 8:14

ye de nea yé né anwomasoɛ amma wɔ nu, ná wɔ wora amvi AWURADE wɔ Nyameɛ bɔ ɔyele wɔ fili Misraim aseɛ so, fili ngoaasolɛ nu ne;

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

1 Timoteo 3:6

Ɔnzɛ kyɛ ɔyɛ sona bɔ ɔte gyidiniɛ foforɛ ɔ, ná wammoma ye nwo so ma wannya abɔnzam foɛbualɛ ne bie.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’